اقتوبە كاسىپكەرلەرىنە پايدالى بيزنەس-ورتالىق اشىلدى

اقتوبە. 6 قاڭتار. اقتوبە وبلىسىندا جاستاردىڭ كاسىپكەرلىكپەن اينالىسۋىنا ايرىقشا كوڭىل بولىنۋدە. جەرگىلىكتى اتقارۋشى ورگاندار قالالار مەن اۋىلدىق جەرلەردە ولارعا قولايلى جاعداي تۋعىزۋدىڭ بارلىق مۇمكىندىكتەرىن قاراستىرۋدا. مىسالى, تەمىر اۋدانىندا جاقىندا جاس كاسىپكەرلەر ءۇشىن وزدەرىنىڭ ساۋدا ءۇيى بولادى, ولار ساۋدا ورىندارىن جالعا العانى جانە كوممۋنالدىق قىزمەت ءۇشىن اقى تولەمەيدى. بۇل تۋرالى egemen.kz ءتىلشىسى حابارلادى. تەگىن پايدالانۋعا بەرىلەتىن مۇنداي عيماراتتى تابۋعا جانە الۋعا اقتوبە وبلىسى كاسىپكەرلەر پالاتاسى تەمىر اۋداندىق فيليالىنىڭ ديرەكتورى ايدوس مىرزاعالي كومەكتەستى. وتكەن جىلى اقپان ايىندا اشىلعان فيليالعا ءوز ءىسىن اشۋعا تالاپتانعان جاستار جالدىق تولەمى ارزانداۋ بيزنەسكە پايدالاناتىن عيمارات بولسا دەگەن تىلەكپەن جولىققان. «مەن وسى ماسەلەنى وڭ شەشۋگە اۋداندىق اكىمدىككە ءوتىنىش حات جولدادىم. اۋدان اكىمى باۋىرجان قانيەۆ بوساعان مەديتسينا مەكەمەسىنىڭ ءبىرىنشى قاباتىن كاسىپكەرلەرگە ۇسىندى. مۇندا 11 جاس كاسىپكەر جۇمىس ىستەيتىن بولادى. جاڭا جىلدان باستاپ حيميالىق تازارتۋ, تىگىن تسەحتارى, تۇرمىستىق تەحنيكا جوندەۋ شەبەرحاناسى مەن ءدارىحانا جۇمىس ىستەۋدە. سونداي-اق, بولاشاقتا ەكىنشى دارەجەلى بانك تە ءوز قىزمەتىن ۇسىناتىن بولادى», – دەيدى وڭىرلىك كاسىپكەرلەر پالاتاسى تەمىر اۋداندىق فيليالىنىڭ ديرەكتورى ايدوس مىرزاعالي. ساتىبالدى ءساۋىرباي. دەرەك: egemen.kz. سۋرەت: inform.kz.