كۇنى بۇگىنگە دەيىن سۋ باسقان وڭىرلەرگە دوستىق ۇيلەرىنەن 700 ملن تەڭگەدەن استام قاراجاتقا كومەك جىبەرىلىپتى. ول ءۇشىن 12 مىڭعا جۋىق ۆولونتەر قىزمەت كورسەتىپ جاتىر.
– قازاقستان حالقى اسسامبلەياسىنان «جۇرەكتەن – جۇرەككە!» اكتسياسىنىڭ اياسىندا قازىرگى كەزدە 1 100 توننا گۋمانيتارلىق كومەك جىبەرىلدى. سوماسى 750 ملن-نان استى. تەك گۋمانيتارلىق كومەك ەمەس, ءوز تەحنيكاسى, ەكسكاۆاتورى بار كاسىپكەرلەر كومەك بەرىپ جاتىر. سۋ باسقان وڭىرلەردە كۇندەلىكتى 1 000-2 000 ادامعا – توتەنشە جاعداي قىزمەتكەرلەرى, ۆولونتەرلەرگە ىستىق تاماق بەرەمىز, – دەدى قازاقستان حالقى اسسامبلەياسىنىڭ مۇشەسى, «دۋستليك» وزبەك بىرلەستىگى توراعاسىنىڭ ورىنباسارى حاسان ءشارىپوۆ.
قازىر ەلوردادا 9 گۋمانيتارلىق كومەك قابىلداۋ پۋنكتى جۇمىس ىستەپ تۇر. وندا 30-عا جۋىق ەرىكتىلەر ۇيىمى بار. كۇن سايىن 200-دەن استام ەرىكتى قاجەتتى زاتتاردى سۇرىپتايدى. ايتا كەتەرلىگى, ەرىكتىلەر قارجىلىق كومەكتى قابىلدامايدى. تەك قاجەتتى زاتتاردىڭ ءتىزىمىن جاساقتاپ, اكەلۋگە نيەتتى جاندارعا ۇسىنادى.
«جۇرەكتەن – جۇرەككە!» اكتسياسى بارىسىندا استانادان اقمولا, قاراعاندى جانە سولتۇستىك قازاقستان وبلىستارىنا گۋمانيتارلىق كومەك جونەلتىلدى. سونداي-اق قحا اياسىندا رەسپۋبليكالىق جانە وڭىرلىك شتابتار قۇرىلعان. ۆولونتەرلىك ورتالىقتار دا ۇيىمداستىرىلدى. قوعام جاناشىرلارى اپاتتى اۋدانداردا, اۋىلدى مەكەندەردە حالىققا كومەكتەسىپ, ءدارى-دارمەكتەرىن الىپ بارىپ, قيىن-قىستاۋ جاعدايداعى اعايىننىڭ العىسىن الىپ ءجۇر.
