– ەڭ ءبىرىنشى كەزەكتە قارجى سالاسىنا قالاي كەلدىڭىز, قارجى نارىعىنا دەگەن قىزىعۋشىلىعىڭىز قالاي باستالدى دەپ سۇراعىمىز كەلەدى؟
– قىزمەتتىك جولىم بانكتە قاراپايىم كونسۋلتانت بولىپ جۇمىس ىستەۋدەن باستالدى. ءورشىل مىنەزىمنىڭ, جۇمىسقا جاۋاپكەرشىلىكپەن قاراعانىمنىڭ جانە وقۋعا دەگەن ىنتامنىڭ ارقاسىندا vip-مەنەدجەرگە دەيىن ءوستىم. ءسويتىپ, حالىقارالىق ينۆەستيتسيالىق كومپانياعا اۋىستىم. «Freedom Broker»-دە 10 جىل جۇمىس ىستەپ, قاراپايىم ينۆەستيتسيالىق كونسۋلتانتتان ساتۋ دەپارتامەنتىنىڭ اتقارۋشى ديرەكتورىنا دەيىن كوتەرىلدىم. جالپى, نارىقتىڭ وسى تۇرىنە دەگەن قىزىعۋشىلىعىم وقۋعا دەگەن ىنتامنان باستالدى, ينۆەستيتسيالار سالاسىندا جاڭا دۇنيەلەر ۇيرەنىپ, وسكىم كەلدى.
– بروكەرلىك كومپانياداعى ۇزاق جىلدىق ەڭبەك ءوتىلىڭىز بارىسىندا, تالاي قىزىقتى دا, قيىندىقتى دا كورگەنىڭىز انىق. وتاندىق قارجى, بيرجا سەكتورى نە ءتۇرلى كەزەڭدەردى باستان كەشىردى. ەسىڭىزدە ەرەكشە قالعان قانداي جاعدايدى ايتار ەدىڭىز؟
– كليەنتتەرمەن جۇمىس جاساعاندا ىڭعايسىز جاعداي تۋىندايدى. دەسە دە, ەسىڭە كوبىنە كەرەمەت ساتتەردى العىڭ كەلىپ وتىرادى. كليەنتتەر قىزمەت كورسەتۋ ساپاسىنا جانە ءوز پورتفەلىنىڭ وسكەنىنە كوڭىلدەرى تولعان كەزدەر تاماشا اسەر بەرەدى.
– «فريدومنان» بولەك, باسقا قارجى ۇيىمدارىندا جۇمىس ىستەدىڭىز بە؟ سىزدىڭشە, «فريدومنىڭ» باستى ەرەكشەلىگى نە؟
– «فريدومعا» دەيىن تەك بانكتەردە جۇمىس ىستەدىم. مەنىڭ ويىمشا, بانك – نەگىزگى داعدىنى مەڭگەرۋ ءۇشىن مىقتى مەكتەپ. وندا ءتارتىپ پەن جۇيەنى ۇيرەنۋگە بولادى. سونداي-اق ول جەردە vip-كليەنتتەرمەن جۇمىس جاساۋدىڭ نەگىزگى داعدىلارىن مەڭگەرىپ شىقتىم. Freedom-داعى جۇمىس ماعان كەڭىرەك, ەركىنىرەك ويلاۋعا مۇمكىندىك بەردى. قازىرگى ۋاقىتتا مەن ساتۋ دەپارتامەنتى باسقارمالارىنىڭ بىرىنە جەتەكشىلىك ەتەمىن. مەنىڭ مىندەتىمە كوماندانى باسقارۋ عانا ەمەس, سونداي-اق كوماندانىڭ كەرەمەت ناتيجەلەرىنە قول جەتكىزۋ ءۇشىن بارىنشا ءتيىمدى جۇمىس جاساۋ جۇيەسىن قۇرۋ كىرەدى. مەن ءۇشىن باسشى بولۋ – قىزمەتكەرلەرگە كۇردەلىلىگى جاعىنان ءارتۇرلى ماسەلە بويىنشا كومەكتەسۋ, ىنتالاندىرۋ, وقىتۋ, تاجىريبە جانە ءبىلىم الماسۋ, باعىت-باعدار بەرۋ, ولاردىڭ جۇمىسىن جەڭىلدەتۋ, ءارتۇرلى جوباعا قاتىسۋ دەگەندى بىلدىرەدى. مىنە, وسىلاردىڭ ارقاسىندا اۆتوماتتاندىرىلعان شەشىمدەر قابىلداۋعا, ءار قىزمەتكەر جانە جالپى العاندا كوماندا ءۇشىن پسيحولوگ بولۋعا, دەپارتامەنتتىڭ مۇددەسىن قورعاۋعا بولادى, بىراق بيزنەس كورسەتكىشتەر مەن ءتارتىپتىڭ ساقتالۋىن تالاپ ەتۋ قاجەت. تاۋەكەلدەردى باسقارۋدا ەڭ باستىسى – ناقتى ينۆەستيتسيالىق ستراتەگيا قۇرۋ ءارى ونى ساقتاۋ. كونسەرۆاتيۆتى ستراتەگيا بولعاندا قور نارىعىنداعى تاۋەكەلدەر كوبىنە تىم از بولىپ جاتادى. پورتفەلدى ءارتاراپتاندىرۋ جايىن دا ۇمىتپاعان ءجون. بىراق كليەنتتەر ءارتۇرلى, تاۋەكەل دارەجەسى دە ءارتۇرلى بولىپ جاتادى. بارلىعى تاڭدالعان ستراتەگياعا بايلانىستى.
– وتباسىلىق جاعدايىڭىز تۋرالى ايتىپ وتسەڭىز؟
– تۇرمىستامىن. ەكى بالام بار. جولداسىم مەن قانشا جىل جۇمىس ىستەپ كەلە جاتسام, سونشا جىل قولداپ كەلەدى. مەنىڭ ويىمشا, جولداسىڭنىڭ ارقا سۇيەر ازاماتىڭ عانا ەمەس, سونداي-اق قىزمەت سالاسىندا دا قانات ءبىتىرىپ, قولداۋ كورسەتۋى اسا ماڭىزدى. جاقىن ادامىڭنىڭ «بەرىلمە!», «قولىڭنان كەلەدى!», «شەشىمىڭە سەنىمدى بول!» دەگەن سياقتى سوزدەر ايتۋى ناعىز قولداۋ ەكەن.
– 8 ناۋرىز مەرەكەسىن قالاي اتاپ وتەسىز؟ بۇل مەيرامنىڭ ءسىز ءۇشىن ءمانى مەن ماڭىزى قانداي؟
– مەن ءۇشىن 8 ناۋرىز – كوكتەمنىڭ باستالعانى, تابيعات انانىڭ جاڭارۋى, شۋاقتى كۇندەر. مەرەكەگە دايىندىق, مەيرام الدىنداعى قاربالاس, گۇل ۇستاعان, جۇزدەرىنەن قۋانىشتىڭ لەبى ەسىپ تۇرعان قىزداردى كورۋ مەنى قۋانتادى.
– مەرەكەدە ءسىزدى قۇتتىقتايتىنداردىڭ از بولمايتىنى بەلگىلى, ال ءوزىڭىز ادەتتە كىمدى قۇتتىقتايسىز؟
– مەن تەك ءوز جاقىندارىم مەن تۋعاندارىمدى قۇتتىقتاپ قويمايمىن. بايلانىس جاسايتىن, جۇمىس بويىنشا ءجيى ءوزارا بايلانىستى بولاتىن ارىپتەستەرىمدى قۇتتىقتاۋعا تىرىسامىن. جۇمىستا ءبىز ءومىرىمىزدىڭ كوپ بولىگىن وتكىزەمىز. ال ارىپتەستەرمەن, ونىڭ ىشىندە باسقا بولىمشەلەردىڭ قىزمەتكەرلەرىمەن جاقسى قارىم-قاتىناستا بولۋ – ماڭىزدى دۇنيە. بيىل مەن الماتى ساتۋ دەپارتامەنتىندەگى ارۋلاردىڭ بارلىعىنا شاعىن سىيلىقتار ازىرلەپ قويدىم.
– قازىر ەلىمىزدە قارجى سالاسىندا ەڭبەك ەتىپ جۇرگەن ايەل ازاماتتاردىڭ ىسكەرلىگىن, بەلسەندىلىگىن قالاي باعالايسىز؟
– مەن ءارتۇرلى سالادا جۇمىس ىستەيتىن ايەلدەردىڭ قىزمەتى مەن بەلسەندىلىگىن قاشاندا قولدايمىن. قارجى سەكتورىنداعى ايەلدەردىڭ بەلسەندىلىگىنە دەگەن قۇرمەتىم جوعارى, سەبەبى قارجىگەرلەر مەن بروكەرلەر ەرلەردىڭ كاسىبى دەگەن تۇسىنىك قالىپتاسقان. ايەلدەر ەلىمىزدىڭ ەكونوميكاسىنا ءوز بەلسەندىلىگىمەن زور ۇلەسىن ەرلەردەن ارتىق قوسپاسا, كەم قوسپايدى ءارى وزدەرى جۇمىس ىستەپ جاتقان كومپانيالارعا پايداسىن تيگىزەدى دەپ سانايمىن. ايەلدەر قاۋىمى قارجى سەكتورىندا ۇلكەن جەتىستىكتەرگە جەتىپ جاتسا, مەن ءۇشىن اسقان قۋانىش جوق. سەبەبى بۇل سالاداعى ەرلەرمەن باسەكەلەسۋ جانە وتباسىعا اياۋلى انا ءارى سۇيىكتى جار رەتىندە كوڭىل ءبولۋ وڭاي جۇمىس ەمەس.
– راقمەت! ىسىڭىزگە تابىس تىلەيمىز!
اڭگىمەلەسكەن اباي ايماعامبەت
