فوتو: yandex.ru
دەنساۋلىق ساقتاۋ مينيسترلىگىنىڭ مەديتسينالىق جانە فارماتسەۆتيكالىق باقىلاۋ كوميتەتى زاماناۋي مەديتسينادا دالەلدى جانە ءداستۇرلى ەمدەۋ ادىستەرى بار ەكەنىن ءتۇسىندىردى. ءداستۇرلى مەديتسينا - عاسىرلار بويى اتا-بابالارىمىز قولدانعان تابيعي ءشوپ-ءدارى ارقىلى ەمدەۋ ءادىسى, بۇل باعىتتىڭ ناقتى اسەرى عالىمدارمەن دە دالەلدەنگەن.
«ەمدىك جانە ءداستۇرلى مەديتسينا قىزمەتتەرىن كورسەتۋ ءۇشىن ازاماتتاردا ء«داستۇرلى مەديتسينا: گومەوپاتيا, گيرۋدوتەراپيا, مانۋالدى تەراپيا, رەفلەكسولوگيا, شوپتەرمەن ەمدەۋ جانە تابيعي ونىمدەرمەن ەمدەۋ» كىشى تۇرىنە ليتسەنزيا, سونداي-اق جوعارى مەديتسينالىق ءبىلىم جانە ء«داستۇرلى تەراپيا (رەفلەكسوتەراپيا, مانۋالدى تەراپيا, سۋ-دجوك تەراپياسى, گومەوپاتيا, گيرۋدوتەراپيا, شوپتەرمەن ەمدەۋ)» ماماندىعى بويىنشا سەرتيفيكات تالاپ ەتىلەدى. بۇل رەتتە كوميتەت كورىپكەل, باقسى, استرولوگتاردىڭ قىزمەتىن رەتتەۋمەن اينالىسپايدى», دەپ مالىمدەدى ۆەدومستۆو وكىلدەرى.
ادىلەت مينيسترلىگى دە مۇنداي قىزمەت ۆەدوموستۆو قۇزىرەتىنە كىرمەيتىنىن ايتتى. دەمەك, ەلدەگى كورىپكەل-باقسىلاردىڭ قىزمەتى زاڭمەن رەتتەلمەيتىن بولىپ شىقتى.
ال مەملەكەتتىك قىزمەتشىلەر جۇمىس بارىسىنداعى جانە ودان تىس ماسەلەلەرىن شەشۋ ءۇشىن كورىپكەلدەرمەن بايلانىسا الا ما؟ بۇل ساۋالعا مەملەكەتتىك قىزمەت ىستەرى اگەنتتىگى جاۋاپ بەردى.
«قازاقستان رەسپۋبليكاسىنىڭ مەملەكەتتىك قىزمەتى تۋرالى» زاڭدا مەملەكەتتىك قىزمەتشىلەردىڭ جەكە ومىرىنە قاتىستى شەكتەۋلەر جوق. الايدا مەملەكەتتىك قىزمەتشىلەر جۇمىستان تىس ۋاقىتتا قىزمەتتىك ەتيكا نورمالارىن ساقتاۋ كەرەك. جالپى قابىلدانعان مورالدىق-ەتيكالىق نورمالار شەنەۋنىكتەرگە ءوزىنىڭ قىزمەتتىك جاعدايىن پايدالانباۋعا, قوعامدىق مورالعا قول سۇعۋمەن بايلانىستى جات مىنەز-ق ۇلىق كورسەتۋ جاعدايلارىنىڭ الدىن الۋعا مۇمكىندىك بەرەدى», دەلىنگەن حابارلامادا.
سونداي-اق اگەنتتىك جۇمىس بارىسىندا مەملەكەتتىك قىزمەتكەرلەردىڭ كورىپكەل, باقسىلارمەن بايلانىسۋ دەرەگى رەسمي تىركەلمەگەنىن, بۇل ارەكەتى ءۇشىن ءالى ەشكىم جازالانباعانىن تىلگە تيەك ەتتى.
