فوتو: تجم
ورتالىق كوممۋنيكاتسيالار قىزمەتىندە وتكەن بريفينگتە 21 494 ادام ۇيلەرىنە قايتا ورالعانى ايتىلدى.
ال, ازىرگە, ەۆاكۋاتسيالاۋ پۋنكتتەرىن پانالاپ وتىرعان 8786 ادام, ونىڭ ىشىندە 3814 بالا بار.
قىزىل سۋدىڭ سالدارىن جويۋ باعىتىندا 10,9 ملن. م3 استام ەرىگەن قار سۋى سورىلدى, 3,7 ملن. استام قاپشىق پەن 1,4 ملن. توننا ينەرتتى ماتەريال توسەلدى.
4 534 تۇرعىن ءۇي مەن 2 763 اۋلا اۋماعىنان سۋ بۇرىلدى. جەدەل جەلى تەلەفونىنا 2 036 قوڭىراۋ ءتۇستى.
سونداي-اق, وتكەن ءتۇنى تج ءمينيسترى شىڭعىس ءارىنوۆ باتىس قازاقستان وبلىسىنا قايتا باردى. ول ءبورلى اۋدانىنىڭ ەلدى مەكەندەرىندە سالىنعان قورعانىس بوگەتتەرىن تەكسەردى.
ايتا كەتەيىك, جايىق وزەنىندە سۋ دەڭگەيىنىڭ كوتەرىلۋىنە بايلانىستى ءوڭىردىڭ كەيبىر اۋىلدارىن سۋ باسۋ قاۋپى ءالى دە ساقتالىپ وتىر.
