دەپۋتاتتار ءبىرىنشى وقىلىمدا ويىن بيزنەسى, لوتەرەيا جانە لوتەرەيا قىزمەتى ماسەلەلەرى جونىندەگى زاڭ جوباسىن قارايدى. بۇل زاڭ جوباسى مەن اكىمشىلىك قۇقىق-
بۇزۋشىلىق تۋرالى كودەكسكە وزگەرىس ەنگىزۋ تۋرالى ىلەسپە زاڭ جوباسىن پارلامەنت دەپۋتاتتارى مەملەكەت باسشىسىنىڭ تاپسىرماسىن ورىنداۋ ءۇشىن ازاماتتاردى قۇمار ويىندار مەن ءباس تىگۋگە قاتىسۋ كەزىندە ويىنعا تاۋەلدىلىكتى (لۋدومانيانى) قالىپتاستىرۋدان قورعاۋ ماقساتىمەن ازىرلەدى.
ۇسىنىلعان تۇزەتۋلەر 25 جاسقا تولماعان جەكە تۇلعالارعا, قاتىسۋى شەكتەلگەن جانە بورىشكەرلەردىڭ بىرىڭعاي تىزىلىمىنە ەنگىزىلگەن تۇلعالارعا ويىن جانە ءباس تىگۋگە قاتىسۋعا تىيىم سالۋدى بەلگىلەۋگە باعىتتالعان. سونىمەن قاتار لوتەرەيا بيلەتتەرىن تاراتۋعا (ساتۋعا) بولەك تالاپتار ەنگىزىلىپ, بۋكمەكەرلىك كەڭسەلەر مەن لوتەرەيالاردى جارنامالاۋعا تىيىم سالۋ كوزدەلگەن. ەلەكتروندىق كازينولار مەن ونلاين كازينولاردىڭ قىزمەتىن ۇيىمداستىرعانى ءۇشىن قىلمىستىق جاۋاپكەرشىلىك, سونداي-اق 25 جاسقا تولماعان جانە قۇمار ويىندار مەن ءباس تىگۋگە قاتىسۋى شەكتەلگەن تۇلعالاردى قاتىسۋعا جىبەرگەنى ءۇشىن اكىمشىلىك جاۋاپكەرشىلىك ەنگىزىلەدى.
ءبىرىنشى وقىلىمدا دەپۋتاتتارعا ماسس-مەديا ماسەلەلەرى بويىنشا اكىمشىلىك قۇقىقبۇزۋشىلىق تۋرالى كودەكسكە بۇرىن ءماجىلىس قابىلداعان «ماسس-مەديا تۋرالى» زاڭنىڭ ەرەجەلەرىمەن ۇيلەستىرۋ ماقساتىمەن ازىرلەنگەن ۇكىمەت ەنگىزگەن تۇزەتۋلەردى قاراۋ ۇسىنىلادى.
جالپى وتىرىستىڭ كۇن ءتارتىبىنىڭ جوباسىنا ەكىنشى وقىلىمدا جاڭارتىلاتىن ەنەرگيا كوزدەرىن, ەلەكتر ەنەرگەتيكاسىن جانە تابيعي مونوپوليالاردى پايدالانۋدى قولداۋعا قاتىستى دەپۋتاتتاردىڭ زاڭنامالىق تۇزەتۋلەرى تالقىلانادى.
