ساحا رەسپۋبليكاسى قازاقستان-رەسەي ساۋدا قاتىناستارىنىڭ دامۋىنا ءوز ۇلەسىن قوسىپ كەلەدى. ءوزارا ساۋدا-ەكونوميكالىق ىنتىماقتاستىقتى ودان ءارى كەڭەيتۋ بويىنشا قازاقستان مەن رەسەي پرەزيدەنتتەرى دەڭگەيىندە قول جەتكىزىلگەن ۋاعدالاستىقتاردى ىسكە اسىرۋ بارىسى قارالدى.
ءبىر جىل ىشىندە قازاقستان مەن ساحا رەسپۋبليكاسى وڭىرلەرى اراسىنداعى تاۋار اينالىمى 2 ەسەگە جۋىق ءوسىپ, 160 ملن دوللاردان استى. ونىڭ 99%-دان استامى قازاقستاندىق تاۋارلاردىڭ ەكسپورتىنا تيەسىلى. تالقىلاۋ بارىسىندا ءوزارا ساۋدانىڭ كەڭ الەۋەتى اتاپ ءوتىلدى جانە تاراپتاردىڭ اۋىل شارۋاشىلىعى, ونەركاسىپ جانە IT سالالارىنداعى قارقىندى ودان ءارى ارتتىرا تۇسۋگە دايىن ەكەندىگى ايتىلدى.
تاراپتار جەتكىزىلەتىن تاۋارلار مەن قىزمەتتەردىڭ اۋقىمىن كەڭەيتۋ, ىسكەر توپتار اراسىندا تىكەلەي بايلانىس ورناتۋ بويىنشا بىرلەسكەن جۇمىستى جانداندىرۋ نيەتىن راستادى. قازاقستاندا بەس ءىرى ترانسشەكارالىق ساۋدا ورتالىعىنىڭ, سونىڭ ىشىندە رەسەيمەن شەكاراداعى «ەۋرازيا» ترانسشەكارالىق ساۋدا ورتالىعىنىڭ ىسكە قوسىلۋى ساۋدا-ەكونوميكالىق قاتىناستارعا جاڭا سەرپىن بەرەدى دەپ كۇتىلىپ وتىر.
جيىندا كرەاتيۆتى يندۋستريا جانە تسيفرلاندىرۋ سالاسىنداعى تاجىريبە مەن تەحنولوگيالار الماسۋعا, سونداي-اق قازاقستان مەن ساحا رەسپۋبليكاسىنىڭ عىلىمي-زەرتتەۋ ينستيتۋتتارى جانە ءبىلىم بەرۋ مەكەمەلەرى اراسىنداعى ءوزارا ءىس-قيمىلدى دامىتۋعا ەرەكشە نازار اۋدارىلدى.
