تسيفرلىق دامۋ, يننوۆاتسيالار جانە اەروعارىش ونەركاسىبى ءمينيسترى باعدات ءمۋسيننىڭ تاپسىرماسىمەن باتىس قازاقستان, اتىراۋ, پاۆلودار وبلىستارىنداعى «ۇلتتىق گەودەزيا جانە كەڭىستىكتىك اقپارات ورتالىعى» رمك جانە جەكە گەودەزيالىق كومپانيالاردىڭ ماماندارى اراسىنان شتابتار ۇيىمداستىرىلعان.
تاجىريبەلى گەودەزياشىلار باتىس قازاقستان, اتىراۋ وبلىستارىنداعى ورال, اتىراۋ قالالارىندا, يانۆارتسەۆو, كوشىم, تايپاق, يندەربور, ماحامبەت, ەركىنقالا, جاڭاتالاپ اۋىلدارىندا 8 ولشەۋ بەكەتىندە گەودەزيالىق ولشەۋ جۇمىستارىن جەدەل جۇرگىزگەن. سونداي-اق ولار پاۆلودارداعى ەرتىس وزەنىندە 6 باقىلاۋ-ولشەۋ ستانساسىن ۇيلەستىرۋگە كىرىسكەن.
كاسىبي ماماندار جايىق وزەنى بويىنداعى اۆتوموبيل جولدارىنىڭ ۇيىندىلەرىن, بوگەتتىڭ جوعارعى جاعىن, سۋ باسۋ قاۋپى بار ايماقتاردى قورعاۋ ءۇشىن ورناتىلعان قورشاۋ ۇيىندىلەرى مەن قۇرىلىستاردى ولشەيدى. سالا ماماندارىنىڭ كۇشىمەن سىني نۇكتەلەر مەن قورعالماعان ۋچاسكەلەر ايقىندالعان. ەندى ولاردى نىعايتىپ, قوسىمشا قورعانىش ۇيىندىلەرىن ورناتۋ قاجەت.
ءبىر سوزبەن ايتقاندا, ۇلتتىق گەودەزيا جانە كەڭىستىكتىك اقپارات ورتالىعىنىڭ ماماندارى توتەنشە جاعدايلار مينيسترلىگىمەن, جەرگىلىكتى اتقارۋشى ورگاندارمەن بىرلەسىپ, تاسقىنعا قارسى ءىس-شارالارعا بەلسەندى ارالاسادى.
