ەكى وبلىستا سوتتاردىڭ جاڭا توراعالارى مەن سۋديالارى قىزمەتتەرىنە كىرىستى

استانا. 5 قاڭتار. اقمولا جانە اقتوبە وبلىستارىندا سوتتاردىڭ جاڭا توراعالارى مەن سۋديالارى ءوز ۇجىمدارىنا تانىستىرىلدى. بۇل تۋرالى جوعارعى سوتتىڭ ءباسپاسوز قىزمەتى حابارلادى. اقمولا وبلىستىق سوتىنىڭ توراعاسى ن.ابدىقانوۆ وبلىستىڭ سۋديالار قاۋىمداستىعىنا قىلمىستىق ىستەر جونىندەگى اپەللياتسيالىق سوت القاسىنىڭ جاڭا توراعاسىن جانە وبلىستىڭ جەرگىلىكتى سوتتارىنىڭ جاڭادان تاعايىندالعان توراعالارىن تانىستىردى. پرەزيدەنتتىڭ 2014 جىلعى 24 جەلتوقسانداعى  № 983 جارلىعىنا سايكەس, اقمولا وبلىستىق سوتىنىڭ قىلمىستىق ىستەر جونىندەگى اپەللياتسيالىق سوت القاسىنىڭ توراعاسى قىزمەتىنە – جاننا بەردىعۇلوۆا, ساندىقتاۋ اۋداندىق سوتىنىڭ توراعاسى قىزمەتىنە – ازامات ايمۇحامەدوۆ, بۋراباي اۋدانىنىڭ مامانداندىرىلعان اكىمشىلىك سوتىنىڭ توراعاسى قىزمەتىنە – جانات تەمىروۆ, مامانداندىرىلعان اۋدانارالىق ەكونوميكالىق سوتىنىڭ توراعاسى قىزمەتىنە – ەرعالي ىزتاەۆ جانە شورتاندى اۋداندىق سوتىنىڭ توراعاسى قىزمەتىنە قانات بەيسەكەەۆ تاعايىندالدى. سونداي-اق, اقتوبە وبلىستىق سوتىندا وبلىستىق سوت سۋديالارىنىڭ جالپى وتىرىسىندا اتالعان جارلىققا سايكەس تاعايىندالعان سوت توراعالارى مەن سۋديالار ۇجىمعا تانىستىرىلدى. ءىس-شاراعا وبلىستىق سوت توراعاسى ە.ايتجانوۆ, وبلىستىق سوت سۋديالارى مەن ماماندارى, قالالىق جانە مامانداندىرىلعان سوتتىڭ توراعالارى, قۇقىق قورعاۋ ورگاندارىنىڭ وكىلدەرى مەن باق وكىلدەرى قاتىستى. جالپى وتىرىستا العا اۋداندىق سوتىنىڭ توراعاسى لاۋازىمىنا – ءيسداۋىر مۇراتقانوۆ, اقتوبە قالاسىنىڭ مامانداندىرىلعان اكىمشىلىك سوتىنىڭ توراعاسى لاۋازىمىنا – ەرعالي ەرنازاروۆ, وبلىستىق سوتتىڭ سۋدياسى لاۋازىمىنا – گۇلنار يبرايموۆا, اقتوبە قالاسىنىڭ № 2 سوتىنىڭ سۋدياسى لاۋازىمىنا ءاليا بەكتاليەۆا تانىستىرىلدى. ءىس-شارانىڭ رەسمي بولىگىنەن كەيىن وبلىستىق سوت توراعالارى سۋديالاردى جاڭا قىزمەتكە تاعايىنداۋلارىمەن قۇتتىقتاي وتىرىپ, ولاردىڭ ەڭبەگىنە ساتتىلىك تىلەدى جانە سوت تورەلىگىن جۇزەگە اسىرۋ ساپاسىن ارتتىرۋ بويىنشا بىرقاتار مىندەتتەردى ايقىندادى. جولدىباي بازار. دەرەك, سۋرەت: جوعارعى سوتتىڭ ءباسپاسوز قىزمەتى.