ەلىمىزدىڭ وڭىرلەرىندە سوتتاردىڭ سۋديالارى مەن توراعالارى تانىستىرىلدى

استانا. 5 قاڭتار. جامبىل, قوستاناي, شىعىس قازاقستان, باتىس قازاقستان وبلىستىق سوتتارىندا جانە الماتى قالالىق سوتىندا پرەزيدەنتتىڭ 2014 جىلعى 24 جەلتوقسانداعى جارلىعىنا سايكەس جاڭادان تاعايىندالعان وبلىستىق جانە وعان تەڭەستىرىلگەن سوتتاردىڭ توراعالارى مەن سۋديالارى تانىستىرىلدى. بۇل تۋرالى جوعارعى سوتتىڭ ءباسپاسوز قىزمەتى حابارلادى. الماتى مامانداندىرىلعان اۋدانارالىق ەكونوميكالىق سوتىنىڭ توراعاسى لاۋازىمىنا – داۋلەن بالىقوۆ, بوستاندىق اۋدانىنىڭ №2 اۋداندىق سوتىنىڭ توراعاسى بولىپ جانات بەكجانوۆ, باتىس قازاقستان وبلىستىق سوتىنىڭ سۋدياسى لاۋازىمىنا ورال قالالىق №2 سوتىنىڭ سۋدياسى قىزمەتىن اتقارعان عاليا داۋلەتقاليەۆا تاعايىندالدى. ال قوستاناي وبلىسىنىڭ سوت قاۋىمداستىعىنا وبلىستىق سوتتىڭ قىلمىستىق ىستەر جونىندەگى اپەللياتسيالىق سوت القاسىنىڭ جاڭا توراعاسى ارمان شامشيەۆ تانىستىرىلدى. بۇدان بولەك, جامبىل وبلىستىق سوتىنىڭ توراعاسى م.بەكتۇرعانوۆ  سوت ۇجىمىنا مامانداندىرىلعان اۋدانارالىق ەكونوميكالىق سوتىنىڭ توراعاسى قىزمەتىنە تاعايىندالعان سەمبەك بايماحانوۆتى, قورداي اۋداندىق سوتىنىڭ توراعاسى ساكەن تۇرعىنباەۆتى, تاراز قالالىق №2 سوتىنىڭ سۋدياسى ەرنار جامانقۇلوۆتى, شىعىس قازاقستان وبلىستىق سوتىنىڭ توراعاسى ا.راحمەتۋلين ۇجىمعا شەمونايحا اۋدانىنىڭ مامانداندىرىلعان اكىمشىلىك سوتىنىڭ  توراعاسى قىزمەتىنە تاعايىندالعان سانات سارسەنباەۆتى, بەسقاراعاي اۋداندىق سوتىنىڭ توراعاسى ءارىپحان ءابدىراحمانوۆتى,  شىعىس قازاقستان وبلىستىق سوتىنىڭ سۋدياسى لاۋرا قايىرباەۆانى تانىستىردى. وبلىستىق سوت توراعالارى جاڭادان تاعايىندالعان توراعالار مەن سۋديالاردى سوت تورەلىگىن جۇزەگە اسىرۋ ساپاسىن ارتتىرۋ جانە ازاماتتاردىڭ سەنىمىن نىعايتۋدى, ەڭ باستىسى زاڭ ۇستەمدىگىن ساقتاي وتىرىپ, قىزمەت ەتۋگە شاقىردى. جولدىباي بازار. دەرەك, سۋرەت: جوعارعى سوتتىڭ ءباسپاسوز قىزمەتى.