فوتو: تجم
بۇگىنگى كۇنگە دەيىن سۋ باسقان وبلىستاردا 10,1 ملن م3 استام ەرىگەن قار سۋى سورىلدى, 3,2 ملن استام قاپشىق پەن 1,4 ملن توننا ينەرتتى ماتەريال توسەلدى. 4 216 تۇرعىن ءۇي مەن 2 698 اۋلا اۋماعىنان سۋ باسقا باعىتقا بۇرىلدى.
جەدەل جەلى تەلەفونىنا 1 932 قوڭىراۋ ءتۇستى.
قاراعاندىلىق قۇتقارۋشىلار سۋ تاسقىنىنا قارسى ءىس-شارالاردى جالعاستىرىپ جاتىر.
ولار سقو-نىڭ پودگورا, پريبرەجنوە جانە بەسكول اۋىلدارىندا تۇرعىندار مەن جانۋارلاردى تاسىمالداۋ, ەۆاكۋاتسيالاۋ, تاماق ونىمدەرىن جەتكىزۋ, سونداي-اق باسقا دە جۇمىستاردى جالعاستىرىپ جاتىر.
شىمكەنت قالاسىنىڭ قۇتقارۋشىلارى اتىراۋ وبلىسى قۇلسارى قالاسىنا جەتىپ, تاۋلىك بويى سۋ تاسقىنىمەن كۇرەسىپ ءجۇر.
ال ورال قالاسىندا ساياجاي ۋچاسكەلەرىنەن تۇرعىندار ەۆاكۋاتسيالانىپ جاتىر.
قىزىلوردا وبلىسىنىڭ قۇتقارۋشىلارى 100-گە جۋىق ادامدى ەۆاكۋاتسيالاپ, ءۇي جانۋارلارىن قاۋىپسىز جەرگە كوشىردى.
سونىمەن قاتار جىلىوي اۋدانىندا سۋ تاسقىنى سالدارىن جويۋ جۇمىستارى تاۋلىك بويى جۇرگىزىلىپ جاتىر. بۇعان دەيىن جەم وزەنىنىڭ سۋ دەڭگەيى كوتەرىلىپ, تۇرعىن ۇيلەر مەن عيماراتتاردى سۋ باسقان ەدى. قازىرگى ۋاقىتتا سۋ باسقان تۇرعىن ۇيلەردەن سۋ ايدالىپ جاتىر.
سۋ تاسقىنى باستالعالى بەرى جىلىوي اۋدانىندا:
- 731,300 تەكشە مەتر سۋ سورىلدى;
- 245 000 توپىراق جانە 397 000 توننا ينەرتتى ماتەريال توسەلدى.
