قۇرمەتتى وتانداستار!

قازاقستان حالقى اسسام­ب­لەيا­سى بارشاڭىزدى جاڭا 2015 جىلمەن قۇتتىقتايدى! سىزدەرگە بەيبىتشىلىك پەن بەرەكە, بولىمدى ىستەر مەن تولىم­دى تابىستار تىلەيمىز. ارقا­شان اسپانىمىز اشىق, ەلىمىزدە ىرىس پەن ىنتىماق, «قوي ۇستىنە بوزتورعاي جۇمىرتقالاعان» مامىرا-جاي زامان بولسىن. جاڭا جىلدا ءاربىر شاڭىراققا باقىت پەن مولشىلىق تىلەيمىز! كەلە جاتقان جاڭا جىل – ەلىمىز ءۇشىن شىن مانىندە ەرەكشە جىل. ەلباسىمىزدىڭ باستاما­سىمەن الدىمىزداعى جىل قازاقستان حالقى اسسامب­لەياسى جىلى دەپ جاريالاندى. ونىڭ ماقساتى – وتانداستارىمىزدىڭ جارقىن كەلەشەگىنىڭ, بالالارىمىز بەن نەمەرەلەرىمىزدىڭ شات كۇلكىسىنىڭ كەپىلى بولىپ وتىرعان ەلىمىزدەگى تولەرانتتىلىق پەن قوعامدىق كەلىسىمدى جالپاق الەمگە پاش ەتۋ. 2015 جىل ءبىزدىڭ وتانىمىز ءۇشىن تاريحي بە­لەس­تەرىمىزدى اتاپ ءوتۋ جىلى بولماق. ءبىزدىڭ تاريحىمىز – بۇل بىرلىكتىڭ قاينار كوزى! وتكەنىمىزدى باعالاي وتىرىپ قانا كەلەشەگىمىزدى بولجاي الامىز. ءبىز قازاقستان حالقى اسسامبلەياسى جىلىن, قازاق حاندىعىنىڭ 550 جىلدىعىن, قازاقستان رەسپۋبليكاسى كونستيتۋتسياسىنىڭ 20 جىلدىعىن, جەڭىستىڭ 70 جىلدىعىن, ش.ءۋاليحانوۆتىڭ 180 جىلدىعىن, اباي قۇنانباەۆتىڭ 170 جىلدىعىن اتاپ وتكەلى وتىرمىز. بۇل وقيعالار – ەلىمىزدىڭ تاريحىندا تۇبەگەيلى بەتبۇرىس جاساعان جاسامپاز كەزەڭدەر. بۇل تەك تاريحي قازىنامىز عانا ەمەس, ەلدىك رۋحىمىزدىڭ باستاۋى, بىرلىگىمىزدىڭ نەگىزى, مەملەكەتتىلىگىمىزدىڭ ايعاعى. قازاقستان حالقى اسسامبلەياسى جىلى – بۇل بىرلىك جىلى, نۇرسۇلتان نازارباەۆتىڭ بارشا الەم مويىن­داعان ەتنوسارالىق تولەرانتتىلىق پەن قوعام­دىق كەلىسىمنىڭ قازاقستاندىق مودەلىنىڭ جالپى­حالىقتىق سالتانات قۇرۋ جىلى. كەلە جاتقان جاڭا جىل جاڭا بيىكتەر مەن بەل­ەستەرگە جەتكىزسىن! ورتاق قۇندىلىقتارىمىزدى بىرگە ىسكە اسىرا وتىرىپ, ءبىز وتانىمىزدىڭ تاۋەلسىزدىگى مەن تۇراق­تى­لىعىن نىعايتۋ جولىنداعى ۇلى ىستەردى جالعاس­تىرا الامىز! جاڭا جىلدا باقىت, تابىس تىلەيمىز! ىزگى نيەتپەن, قازاقستان حالقى اسسامبلەياسى.