فوتو: senate.parlam.kz
سەنات دەپۋتاتى Facebook الەۋمەتتىك جەلىسىندەگى جازبادا اتالعان زاڭدار ءبىر توپ پارلامەنت دەپۋتاتىنىڭ باستاماسىمەن ازىرلەنگەنىن ايتىپ, زاڭنىڭ نەگىزگى ماقساتى – ايەلدەر مەن بالالاردىڭ قۇقىقتارىن, زاڭدى مۇددەلەرىن قورعاۋ شارالارىنىڭ تيىمدىلىگىن ارتتىرۋ ەكەنىن اتاپ ءوتتى.
«قازىرگى ۋاقىتتا, وكىنىشكە قاراي, قوعامدا وتباسىنداعى زورلىق-زومبىلىق جانە تۇرمىستىق قۇقىق بۇزۋشىلىقتار تولاستاماي تۇر. ابيۋزەرلەر تاراپىنان ايەلدەرى مەن بالالارىن اسا قاتىگەزدىكپەن ۇرىپ سوعىپ جاتقان فاكتىلەردى ءجيى كورىپ وتىرمىز. قالىپتاسقان جاعدايلار وسكەلەڭ ۇرپاقتىڭ پسيحيكاسىنا كەرى اسەر ەتەتىنى جانە ولاردىڭ دامۋىن تەجەيتىنى ءسوزسىز», دەپ جازدى دەپۋتات.
سەناتور اتالعان ماسەلەلەردى رەت-رەتىمەن شەشۋ ماقساتىندا ەلىمىزدە الەۋمەتتىك باعىتتاعى قۇقىقبۇزۋشىلىقتاردىڭ جازاسىن قاتاڭداتۋ ءۇشىن بىرقاتار جۇيەلى شارالار قابىلدانىپ جاتقانىن تىلگە تيەك ەتتى.
«ىشكى ىستەر مينيسترلىگى قۇرىلىمىندا ايەلدەردى زورلىق-زومبىلىقتان قورعاۋ بويىنشا ارنايى بولىمشەلەر قۇرىلدى. 2021 جىلى ولاردىڭ شتات سانى 256 بىرلىككە دەيىن ءوستى. قازىر مۇنداي لاۋازىمدار ءاربىر قالالىق جانە اۋداندىق پوليتسيا ورگانىندا بار. سونداي-اق ايەلدەر مەن كامەلەتكە تولماعاندارعا قاتىستى جىنىستىق زورلىق-زومبىلىق قىلمىستارىن تەرگەۋ بويىنشا ايەل تەرگەۋشىلەردىڭ ماماندانۋى ەنگىزىلدى», دەلىنگەن جازبادا.
بەكبول ورىنباساروۆ ەندى كامەلەتكە تولماعانداردى قورلاۋ (قورقىتۋ, كيبەربۋللينگ) جانە 16 جاسقا تولماعان بالانى قوعامدىق كولىكتەن ماجبۇرلەپ ءتۇسىرۋ, سونداي-اق باسقا دا تۇزەتۋلەر ءۇشىن اكىمشىلىك جاۋاپكەرشىلىك بەلگىلەنگەنىن ەسكە سالدى.
«مۇنىڭ بارلىعى قوعامدا قىلمىسقا مۇلدەم توزبەۋشىلىكتى ورناتۋعا باعىتتالعان. بۇل شارالاردىڭ قابىلدانۋى – قۇقىقتىق قوعام قۇرۋ جولىنداعى ماڭىزدى قادام», دەپ جازدى بەكبول ورىنباساروۆ.
