فوتو:ranking.kz
Knight Frank كومپانياسىنىڭ زەرتتەۋىنە قاراعاندا, داۋلەتتى ادامداردىڭ باسىم بولىگى سولتۇستىك امەريكادا تۇرادى: 253,1 مىڭ ادام, ءبىر جىل بۇرىن ستاتيستيكاعا قاراعاندا 7,2%-عا كوپ. ال ازيا مەن ەۋروپادا باي ادامداردىڭ سانى ءبىرشاما وسكەن: 165,4 مىڭ جانە 155,2 مىڭ ادامدى قۇرايدى. ودان كەيىنگى ورىندا تاياۋ شىعىس (18,8 مىڭ ادام), اۋستراليا (17,9 مىڭ ادام), وڭتۇستىك امەريكا (13,2 مىڭ ادام) جانە افريكا (3 مىڭ ادام).
ايتا كەتەيىك, بەلگيا, ساۋد ارابياسى, ءباا جانە رەسەي بويىنشا ستاتيستيكا ەسەپتە قامتىلمادى.
ەلدەر بويىنشا اسا باي, داۋلەتتى ادامداردىڭ باسىم بولىگى اقش-تا تۇرادى, ولاردىڭ جالپى سانى - 225,1 مىڭ. ودان كەيىنگى ورىندا قىتاي - 98,6 مىڭ ادام. بۇل ەكى ەل الەمدەگى ەڭ باي ادامداردىڭ جارتىسىنان استامىن قۇرايدى.
داۋلەتتى ادامداردىڭ سانى ەڭ كوپ بەس ەلدىڭ قاتارىنا گەرمانيا (29 مىڭ ادام), كانادا (27,9 مىڭ ادام) جانە فرانتسيا (24,9 مىڭ ادام) كىردى.
ايتا كەتەيىك, قازاقستان Knight Frank كومپانياسنىڭ ەسەبىنە ەنگەن جوق, دەسە دە Forbes World's ميللياردەرلەرىنىڭ 2024 جىلعى جاڭارتىلعان رەيتينگىندە التى قازاقستان ازاماتى كورىندى. ۆياچەسلاۆ كيم العاش رەت 5,8 ميلليارد دوللار بايلىعىمەن قازاقستاننىڭ ەڭ باي ادامى اتاندى. ودان بولەك, قازاقستاننىڭ ەڭ باي ازاماتى اتاعىنا تيمۋر مەن دينارا ق ۇلىباەۆتار (ارقايسىسى 5 ميلليارد دوللار), تيمۋر تۋرلوۆ (3,3 ميلليارد دوللار) جانە بولات وتەمۇراتوۆ (2,7 ميلليارد دوللار) يە.
قىرمىزى جۇماعاليقىزى,
ەۇۋ ستۋدەنتى
