فوتو: قر تجم
«قازىرگى ۋاقىتتا وبلىستىڭ سولتۇستىك, سولتۇستىك-شىعىس جانە شىعىس ايماقتارىندا (ريددەر, التاي, سامار, مارقاكول, گلۋبوكوۆسكي, كاتونقاراعاي, كۇرشىم, شەمونايحا اۋداندارى) سۋ تاسقىنى قاۋپى بار. وبلىس بويىنشا قار جاتقان اۋماق 44 پايىزدى قۇرايدى. كوپتەگەن اۋداندا قار قورى مەن ونداعى سۋ مولشەرى نورمادان 1,5-2 ەسە اسىپ كەتكەن», دەدى ءا.كەكيەۆا.
ونىڭ ايتۋىنشا, بارلىق گيدروتەحنيكالىق قۇرىلىستار قالىپتى رەجيمدە جۇمىس ىستەپ جاتىر. سۋ تاسقىنى جاعدايىن ۋاقتىلى باعالاۋ ءۇشىن تۇراقتى نەگىزدە اەروۆيزۋالدى بارلاۋلار جۇرگىزىلەدى. سپيكەر ءموبيلدى توپتار تاۋلىك بويى مونيتورينگ جۇرگىزىپ وتىرعانىن دا ايتا كەتتى. وبلىستاعى احۋال باقىلاۋعا الىندى.
«پروفيلاكتيكالىق ءىس-شارالار جوسپارى شەڭبەرىندە جاعالاۋدى قورعاۋ جانە تەرەڭدەتۋ, بوگەتتەردى سالۋ, قاپتاردى توسەۋ جۇمىستارى جۇرگىزىلىپ جاتىر. جەرگىلىكتى اتقارۋشى ورگاندار ارنالاردى, ارىقتاردى, كوپىرلەردى تازارتۋ بويىنشا جوسپارلانعان جۇمىستاردى تولىعىمەن ورىندادى. بارلىق قىزمەتتەردىڭ جۇمىسىن ۇيلەستىرەتىن ايماقتىق جەدەل شتاب جۇمىس ىستەپ تۇر. قاۋىپتى ايماقتاردا سۋدى سورۋ جانە قۇم تولتىرىلعان قاپتاردى توسەۋ بويىنشا شۇعىل شارالار قابىلداندى», دەدى اعا ينجەنەر.
قىرمىزى جۇماعاليقىزى,
ەۇۋ ستۋدەنتى
