جاڭا اسۋلار باعىنا بەرسىن

قازاق قاشاندا الداعى جىلدار­عا ۇلكەن سەنىممەن قارايدى. «ءبىر اشتىقتىڭ ءبىر توقتىعى بار» دەي­تىن سابىرلى قازاقتىڭ پەيىلىنە بەرىپ جاتقان شىعار, قۇدايعا شۇكىر, قازاقستان كەشەگى وداقتاس مەملەكەتتەردىڭ ىشىندە دامىپ- وركەندەۋى جونىندە الدىڭعى ورىنداردا كەلەدى. ەلباسىمىزدىڭ كەشەگى جولداۋى ءبارىمىزدىڭ كوڭى­لىمىزدەن شىقتى. ۇزاق جىلدارعا ارنالعان ستراتەگيالىق جوسپارى بار مەملەكەتتىڭ كەلەشەگى كەمەل, قادامى نىق. ن.ءا.نازارباەۆ الەمدەگى داعدا­رىس جايىن ايتا وتىرىپ, ونىڭ قازاقستانعا تيگىزەر اسەرىنىڭ الدىن الۋ شارالارىن ەرتە باستاپ كەتتى. «قازاقستاندا ءبارى تاماشا, ەشقانداي قيىندىق كورمەي­مىز» دەپ ايتا الماسپىز, ويتكەنى, كورشى ەلگە سالىنىپ جاتقان ەكونو­مي­كالىق سانكتسيا ءبىزدى اينالىپ وتەدى دەگەنگە سەنۋ قيىن. بىراق, قولداعى باردى باعالاپ, دۇرىس ۇقساتا الساق, بۇل قيىندىقتاردى دا جەڭىپ شىعۋعا بولادى», – دەدى ەلباسى. ءبىز مۇنى وڭتۇستىكتىڭ ومىرىنەن كورىپ وتىرمىز. وڭتۇستىكتەن يندۋستريالاندىرۋ كارتاسىنا قۇنى 1,2 ترلن. تەڭگە بولاتىن 223 ينۆەستيتسيالىق جوبا ەنگىزىلگەن. سوڭعى بەس جىلدا وندىرىسكە 180 ملرد. تەڭگە جۇمسالىپ, 135 جاڭا جوبا ىسكە قوسىلدى. ون مىڭنان استام جاڭا جۇمىس ورىندارى اشىلدى. بيىل جالپى وڭىرلىك ءونىم كولەمى 2,3 ترلن. تەڭگەگە جەتىپ, سوڭعى بەس جىلدا ءۇش ەسەگە ۇلعايدى. وبلىس اكىمدىگىنىڭ وسىنداي ءىر­گەلى جۇمىسىنىڭ جاقسى ءناتي­جە بەرىپ جاتقانىن جۋىردا وڭتۇستىككە كەلگەنىندە ەلباسى دا ايرىقشا اتاپ كورسەتتى. سوندىقتان, ەسىگىمىزدى اتتاپ جات­قان جاڭا جىلدان جاعىمدى جاڭا­لىقتار كۇتەمىز. ەلىمىزدە تى­­نىشتىق بولىپ, بەرەكەسى كىرە بەر­سىن. ەل امان, ەلگە ارقا سۇيەگەن ەل­باسى امان بولسىن. قازاقستاننىڭ باعى­ن­دىرار اسۋلارى كوپ بولعاي. جارىلعاسىن وڭالبەكوۆ, اكادەميالىق-يننو­ۆا­تسيالىق ۋنيۆەرسيتەتتىڭ رەكتورى, پەداگوگيكا عى­لىم­دارىنىڭ دوكتورى, پرو­فەسسور, قازاقستاننىڭ ەڭبەك سىڭىرگەن جاتتىقتىرۋشىسى.   شىمكەنت.