مەملەكەت باسشىسىنىڭ جاڭا زاڭعا قول قويۋى, ەل باسشىلىعىنىڭ «حالىق ۇنىنە قۇلاق اساتىن مەملەكەت» قاعيداتىن ىسكە اسىرۋ اياسىندا قوعام سۇرانىسىنا ۇدايى نازار اۋدارىپ وتىرعانىن كورسەتەدى. پرەزيدەنت ق.توقاەۆ بارلىق ماسەلەنى, سونىڭ ىشىڭدە ايەلدەردىڭ قۇقىقتارىن قورعاۋ جانە بالالاردىڭ قاۋىپسىزدىگىن قامتاماسىز ەتۋ ماسەلەلەرىن ۇنەمى كوتەرىپ وتىرادى.
زاڭ ازاماتتىق قوعام مەن مەملەكەتتىڭ وتكىر جانە وزەكتى ماسەلەنى شەشۋگە باعىتتالعان سىندارلى ءوزارا ءىس-قيمىلىنىڭ ناتيجەسى بولدى. ۇلتتىق قۇرىلتايدىڭ ءۇشىنشى وتىرىسىندا پرەزيدەنت وتباسىلىق-تۇرمىستىق زورلىق-زومبىلىقتى قوعام بولىپ كۇرەسۋدى قاجەت ەتەتىن الەۋمەتتىك پروبلەمانىڭ ءبىرى رەتىندە بەلگىلەدى.
پرەزيدەنت قول قويعان تۇرمىستىق زورلىق-زومبىلىق تۋرالى زاڭ, شىن مانىندە, مەملەكەتتىڭ تەڭدىك پەن زاڭ ۇستەمدىگى قاعيداتتارىنا باسىمدىق بەرەتىنىن, قۇقىق بۇزۋشىلىققا مۇلدەم توزبەۋشىلىكتى قالىپتاستىراتىنىن كورسەتەدى.
ول تۋرالى ق.توقاەۆ وسى جىلدىڭ قاڭتار ايىندا: «مەن زاڭ جانە ءتارتىپ قاعيداتىن نىعايتۋدى جاقتايمىن, وتباسىلىق-تۇرمىستىق زورلىق-زومبىلىق ءۇشىن جازانى قاتاڭداتۋدى قولدايمىن», دەدى. زاڭ – قوعامدى دەموكراتيالاندىرۋ باعىتىنداعى تاعى ءبىر قادام.
سۇلتانبەك ماكەجانوۆ,
سەنات دەپۋتاتى
