فوتو: aikyn.kz
بۇگىندە قوعامدا وتباسىلىق-تۇرمىستىق زورلىق-زومبىلىق ماسەلەسى وزەكتى ەكەنى ايقىن. باس پروكۋراتۋرانىڭ مالىمەتىنشە, ەلىمىزدە جىل سايىن ابيۋزەرلەردىڭ قولىنان كەمىندە 80 ايەل قازا تابادى, كۇندەلىكتى قۇقىق قورعاۋ ورگاندارىنا تۇرمىستىق-زومبىلىق فاكتىلەرى بويىنشا 300-گە جۋىق ارىز كەلىپ تۇسەدى. بىلتىر قۇقىق قورعاۋ ورگاندارىنا تۇرمىستىق زورلىق-زومبىلىققا قاتىستى 100 مىڭ شاعىم تۇسكەن. سونداي-اق باق پەن الەۋمەتتىك جەلىلەردە دە كۇندەلىكتى وسى پروبلەماعا قاتىستى ءتۇرلى جاعداي مەن قۇقىق بۇزۋشىلىق فاكتىسى تۋرالى اقپارات تا تاراپ جاتادى.
بۇعان قوسا اتالعان زاڭدى سەناتتا تالقىلاۋ كەزىندە 154 مىڭنان اسا وتباسىنداعى زورلىق-زومبىلىق ءۇشىن جازانى كۇشەيتۋ جونىندەگى ونلاين پەتيتسياعا قول قويدى. بۇل ءوز كەزەگىندە قوعامدا اتالعان ماسەلەگە قاتىستى ەرەكشە نازار اۋدارىلىپ وتىرعانىن بايقاتتى. سول سەبەپتەن زاڭدا كورسەتىلگەن وزگەرىستەر قوعامدا زورلىق-زومبىلىققا جول بەرمەۋ مادەنيەتىن قالىپتاستىرۋعا, سونداي-اق ادام قۇقىقتارى ءبىرىنشى ورىندا ەكەنىن دارىپتەۋ اياسىندا قوعامداعى قاتىناستاردىڭ جاڭا زاماناۋي مودەلىن قالىپتاستىرۋعا اسەرىن تيگىزۋگە ءتيىس. سونىمەن بىرگە ماڭىزى جوعارى وتباسى ينستيتۋتىن نىعايتۋعا جانە كامەلەت جاسقا تولماعانداردىڭ قاۋىپسىزدىگىن قامتاماسىز ەتۋگە ۇلەسىن قوسۋى قاجەت.
دۋلات وتەعالي,
پرەزيدەنت جانىنداعى قازاقستاننىڭ ستراتەگيالىق زەرتتەۋلەر ينستيتۋتىنىڭ باس ساراپشىسى
