قوستاناي وبلىسىنىڭ سولتۇستىگى مەن ورتالىعىندا توپىراق توڭىنىڭ تەرەڭدىگى بۇرىنعىسىنشا ايتارلىقتاي 75-84 سم-دەن 140-150 سم-گە دەيىن. جوعارعى قاباتتىڭ ەرۋى كوبىنەسە 18-29 سم-دەن 73 سم-گە دەيىن (قوستاناي, ناۋرىزىم اۋداندارى), بەيىمبەت مايلين, سارىكول, اۋليەكول, جەتىقارا, جانگەلدى جانە امانگەلدى اۋداندارىندا توپىراق جىبىگەن.
سولتۇستىك قازاقستان وبلىسىندا توڭنىڭ تەرەڭدىگى بىركەلكى ەمەس – تەرەڭدىگى 40 سم-دەن 112 سم-گە دەيىن وزگەرەدى. بەتكى قاباتىنىڭ ءجىبۋى باياۋ وتۋدە جانە تەك 6-12 سم-دەن 50-58 سم-گە دەيىن.
توپىراق توڭىنىڭ تولىق ەرۋى تەك بۋلاەۆ, ساۋمالكول, تايىنشا اۋىلدارىنىڭ ماڭايلارىندا, ءىشىنارا جۇماباەۆ اۋدانىندا بايقالادى. وتكەن اپتادا پەتروپاۆل قالاسىندا, تالشىق, ياۆلەنكا اۋىلدارىندا جانە ەسىل اۋدانىنىڭ وڭتۇستىگىندە ەرۋ بايقالدى.
اقمولا وبلىسىندا – توپىراقتىڭ تولىق ەرۋى ارشالى, ەرەيمەنتاۋ, ەگىندىكول, قورعالجىن جانە ساندىقتاۋ, زەرەندى اۋداندارىندا بايقالادى.
اتباسار, ەسىل, استاراحان اۋداندارىندا ورتا ەسەپپەن 30-دان 75 سم-گە دەيىنگى قاباتتا, ءبىرجان سال اۋدانىندا, تسەلينوگراد, شورتاندى, اقكول, جاقسى, بۋراباي اۋداندارىندا جانە كوكشەتاۋ قالاسىنىڭ ماڭايىندا توڭ تەرەڭدىگى 109-166 سم, ەرۋى – 30-56 سم-ءدى قۇرادى.
قاراعاندى وبلىسىندا توڭ تەك وساكاروۆ اۋدانىندا 44-150 سم توپىراق قاباتىندا جانە اقتوعاي اۋدانىندا 30-55 سم قاباتتا ساقتالادى.
پاۆلودار وبلىسىندا – قاتقان توپىراق قاباتىنىڭ قالىڭدىعى 30-40-تان 140 سم-گە دەيىن, كەي جەرلەردە 200 سم-دەن اسادى. قاتقان توپىراقتىڭ تومەنگى شەكاراسى 61-دەن 150 سم-گە دەيىنگى تەرەڭدىكتە بايقالادى, وبلىستىڭ سولتۇستىك-شىعىسىندا ول 275 سم-گە جەتەدى, جوعارىدان ەرۋى 20-22 سم ەرتىس جانە جەلەزين اۋداندارىندا, پاۆلودار, ۋسپەنكا, اقتوعاي اۋداندارىندا 100-128 سم-گە دەيىن بىركەلكى ەمەس.
تولىق ەرۋى ەرتىس جانە ءىشىنارا پاۆلودار, اقتوعاي, شارباقتى اۋداندارىندا بايقالادى.
شىعىس قازاقستان جانە اباي وبلىستارىندا توڭ تەرەڭدىگى بەسقاراعاي, بورودۋليحا, ۇلان, قاتونقاراعاي اۋداندارىندا ساقتالادى – قاتۋدىڭ تومەنگى شەكاراسى 72–100 سم, ەرۋى 38 – 70 سم. گلۋبوكوە جانە التاي اۋداندارىندا 32-43 سم, ەرۋى 2-12 سم. قالعان اۋماقتاردا توپىراق تولىعىمەن ەرىگەن.
