فوتو: lada.kz
جەرگىلىكتى باق تاراتقان اقپاراتقا سايكەس, وقيعا 16 ساۋىرگە قاراعان ءتۇنى بولعان. 1972 جىلعى مارقۇم ايەلدىڭ ەسىمى - پاراحات. ول 14 شاعىن اۋدانداعى 9 قاباتتى ءۇيدىڭ 2-ءشى قاباتىندا تۇرعان. قۇتقارۋشىلاردى كورشىلەردىڭ ءبىرى شاقىرعان.
انىقتالعانداي, پوليتسيا قىزمەتكەرلەرى كەلىنشەكتى ولتىرگەن كۇدىكتىنى سول ءۇيدىڭ 9-قاباتىندا ۇستاعان. ول مارقۇممەن بىرگە ءبىر پاتەردە تۇرعان ەر ادام بولىپ شىقتى.
كۋاگەرلەر ۇستالعان ەر ادام پاراحاتتى ءولتىرىپ, كەيىن پاتەردى ورتەپ جىبەرۋگە ارەكەتتەنگەنىن ءبىراۋىزدان ايتىپ وتىر.
ايتا كەتسەك, پوليتسيا دەپارتامەنتى بۇل وقيعاعا بايلانىستى ءالى تولىق تۇسىنىكتەمە بەرمەگەن.
«كىسى ءولتىرۋ فاكتىسى بويىنشا قىلمىستىق ءىس قوزعالدى. كۇدىكتى ۇستالىپ, ۋاقىتشا ۇستاۋ يزولياتورىنا قامالدى. وزگە اقپارات جاريالاۋعا جاتپايدى», دەپ حابارلادى دەپارتامەنتتىڭ ءباسپاسوز قىزمەتى.
