فوتو: flectone.ru
وسىنداي شاعىممەن 32 ادام دارىگەر كومەگىنە جۇگىنگەن.
پاۆلودار وبلىسىنىڭ دەنساۋلىق ساقتاۋ باسقارماسى ۇسىنعان اقپاراتقا سايكەس, ۋلانۋ بويىنشا جاپپاي اۋرۋحاناعا جۇگىنۋشىلەردىڭ سىرقات بەلگىلەرى بىردەي: بىرنەشە رەت قۇسۋ, ايقىن السىزدىك, ءىشتىڭ اۋرۋى, دەنە قىزۋىنىڭ جوعارىلاۋى.
«ەمدەلۋشىلەر قابىلداۋ بولىمشەسىندە قارالعاننان جانە شۇعىل مەديتسينالىق كومەك كورسەتىلگەننەن كەيىن (اسقازاندى شايۋ) ينفەكتسيالىق بولىمشەگە جاتقىزىلدى. 14 ساۋىردەن 15 ءساۋىر ساعات 17:00-گە دەيىنگى ارالىقتا 32 ادام جۇگىندى, ونىڭ تورتەۋى اۋرۋحاناعا جاتۋدان باس تارتتى, قالعاندارى ەمدەلىپ جاتىر. قازىر ناۋقاستاردىڭ جاعدايى ورتاشا اۋىر», دەلىنگەن وبلىستىق دەنساۋلىق ساقتاۋ باسقارماسىنىڭ حابارلاماسىندا.
قالالىق سانيتارلىق-ەپيدەميولوگيالىق باقىلاۋ باسقارماسى تاماقتان ۋلانۋ دەرەگى بويىنشا مەيرامحانانى تەكسەرىستەن وتكىزە باستادى. ءتيىستى امالدار قر كاسىپكەرلىك كودەكسىنە سايكەس جۇرگىزىلىپ جاتىر.
