بەيبىتشىلىك تۋى بەرىك بولسىن

مەن اسكەري قىزمەتكەر جانە بەيبىتشىلىكتى ساقتاۋ ىسىنە 43 جىل ءومىرىمدى ارناعان ادام رەتىندە ەلىمىزدە ەڭ الدىمەن بەيبىتشىلىك, تىنىشتىق بولعانىن قالايمىن. ونى ساقتاۋ ءۇشىن ساليقالى ساياسات, وزگەلەرگە ءوز ءسوزىنىڭ دۇرىستى­­­عىن مويىنداتا الاتىن بىلىك­تى دە ءبىلىمدى ديپلوماتيا كەرەك. قۇدايعا شۇكىر, قازىر ءبىزدىڭ ونداي الەۋەتىمىز بار. پرەزيدەنت نۇرسۇلتان نازارباەۆتىڭ باسقارۋىمەن ەلىمىز ءوزىن بەدەلدى بيىككە كوتەرە الدى. سونىمەن بىرگە, ەلباسى ىشكى كەلىسىم مەن توزىمدىلىكتىڭ دە ماڭىزى زور ەكەندىگىن ەشقاشان ەستەن شىعارعان ەمەس. وسى ورايدا, 2015 جىلدى «قازاقستان حالقى اسسامبلەياسىنىڭ جىلى» دەپ جاريالاعانىن مەن شىن نيەتىممەن قولدايمىن. ىشكى كەلىسىمدى ساقتاۋدا اسسامبلەيانىڭ ءرولى زور بولىپ كەلدى, الداعى ۋاقىتتا دا سولاي بولا بەرەرى ءسوزسىز. جالپى, 2015 جىل قازاقستان ءۇشىن ماڭىزى وتە تەرەڭ مەرەي­­تويلىق جىل بولعالى تۇر. سونىڭ ىشىندە بۇل جىلى كونس­تي­تۋتسيانىڭ – 20, قازاق حان­دىعىنىڭ – 550 جانە ۇلى جە­ڭىس­تىڭ 70 جىلدىعى اتالىپ وتپەك. وسى مەرەي­تويلاردىڭ ءبارى دە وزدەرىنە لايىق مازمۇندا اتاپ ءوتىلۋى كەرەك. بىزدە قازىر «اسكەري-عىلى­مي اكادەميا» اتتى قوعامدىق بىرلەس­تىك قۇرىلدى. مەن سونىڭ پرەزي­دەنتى بولىپ سايلاندىم. مىنە, وسى بىرلەستىك تە وسىناۋ تاري­حي وقيعا­لاردى اتاپ وتۋگە ءوزىنىڭ لايىق­تى ۇلەسىن قوسۋعا دايىندالىپ جاتىر. سونىڭ ىشىندە جاستاردى پاتريوتيزم رۋحىندا تاربيەلەۋ ىستەرىنە بەلسەندى تۇردە قاتىسپاقپىز. اسىرەسە, قازاق حاندىعىنىڭ 550 جىلدىعى مەرەيتويىنا وراي جاستارىمىزعا تاريحتىڭ تەرەڭ قاتپارلارىنان بىلىكتى دارىستەر مەن اڭگىمەلەر وتكىزۋدى كوزدەپ وتىرمىز. ۇلى جەڭىستىڭ 70 جىلدىعى دا ءبىزدىڭ نازارىمىزدان تىس قالمايدى. ونىڭ ماڭىزىن دا بۇگىنگى جاستارعا ءبىلدىرىپ وتىرۋ – ءبىزدىڭ پارىزىمىز. ءماجىلىس دەپۋتاتى رەتىندە ايتارىم, قازىر بىزگە ەلىمىزدىڭ ەكونوميكالىق الەۋەتىن ارتتىرا ءتۇسۋدى كوزدەيتىن جانە ايتۋلى داتالاردى لايىقتى اتاپ وتۋگە مۇرسات بەرەتىن زاڭ جوبالارى ءتۇسىپ جاتىر. مىنە, سولاردى بىلىكتىلىكپەن تالقىلاپ, مەملەكەتىمىز بەن حال­قى­مىزعا بارىنشا ءتيىمدى بولاتىن تۇستارىن باسا كورسەتە وتىرىپ قابىلداۋعا بەلسەنە اتسالىسۋىمىز كەرەك. كەز كەلگەن زاڭ جوباسىندا ولقىلىقتار بولماي تۇرمايدى, ءبىزدىڭ مىندەتىمىز – سولاردىڭ ءوتىپ كەتپەۋىنە ءجىتى نازار اۋدارىپ, جەتىم­سىز جاقتارىن شيراتۋعا اتسالى­سۋ. بۇل مىندەتتى اتقارۋعا ءماجى­لىس دەپۋتاتتارىنىڭ الەۋەتى مولىنان جەتەدى. وسى ۋاقىتقا دەيىن قابىلداعان زاڭدارىمىزدىڭ ەلىمىزدىڭ ەكونو­ميكاسىن كوتەرۋدە زور قىزمەت ەتكە­نىن كەشەگى يندۋستريالاندىرۋ بەس جىلدىعىنىڭ تابىستى اياقتال­عانىنان كورىپ وتىرمىز. قانشا­ما جاڭا كاسىپورىندار, مىڭدا­عان جاڭا جۇمىس ورىندارى اشىل­دى. سولاردىڭ بارىنە زاڭناما­لىق تۇرعىدان مۇمكىندىك بەرگەن ءبىز قابىلداعان زاڭدار ەكەنىن ويلا­عاندا, ەلىمىز ءۇشىن جۇرەگىمىزدى ماقتا­نىش سەزىمى دە كەرنەپ كەتەدى. حالىق­تىڭ الەۋمەتتىك تۇرعىدان قورعا­لۋىنا قولىمىزدان كەلگەن مۇمكىن­دىگىمىزدىڭ ءبارىن جاساۋدامىز. جاڭا جىلدا دا وسىنداي قارقىننان كورىنەرىمىز حاق. ەلىمىز امان, جۇرتىمىز تىنىش بولىپ, جاڭا جىل جاڭا تابىستار اكەلسىن. اباي تاسبولاتوۆ, پارلامەنت ءماجىلىسىنىڭ دەپۋتاتى, گەنەرال-لەيتەنانت.