پوليتسيا قىزمەتكەرلەرى «گرەيگ» قىزعالداقتارىن جۇلعان ورداباسىلىق تۇرعىندى الەۋمەتتىك جەلىلەر ارقىلى انىقتادى. ول ۇيالىجار اۋىلدىق وكرۋگىندەگى القاپتا قىزىل كىتاپقا ەنگەن گۇلدەردى ج ۇلىپ, بەينەجازبا ءتۇسىرىپ, جەلىدەگى پاراقشاسىنا جۇكتەگەن.
اتالعان جاعداي سيرەك كەزدەسەتىن جانە جويىلىپ كەتۋ قاۋپى تونگەن وسىمدىك تۇرلەرىمەن زاڭسىز اينالىسۋ فاكتىسى بويىنشا پوليتسيا بولىمىندە تىركەلدى. قازىر بارلىق جاعداي انىقتالىپ جاتىر.
«تۇركىستان وبلىسىنىڭ پوليتسياسى «گرەيگ» قىزعالداقتارىن تاماشالاۋعا كەلگەن تۇرعىندار مەن قوناقتارعا قىزىل كىتاپقا ەنگەن وسىمدىكتەردى جۇلعانى ءۇشىن زاڭدا جاۋاپكەرشىلىك قاراستىرىلعانىن ەسكە سالادى», - دەلىنگەن تۇركىستان وبلىسى پوليتسيا دەپارتامەنتىنىڭ ءباسپاسوز قىزمەتى حابارلاماسىندا.
