فوتو: الماتى اكىمدىگىنىڭ ءباسپاسوز قىزمەتى
«الماتى اكىمى ەربولات دوساەۆتىڭ وكىمىمەن پرەزيدەنت اكىمشىلىگىنىڭ كەلىسىمى بويىنشا بەيبىت شاحانوۆ الماتى قالاسى اكىمىنىڭ ورىنباسارى قىزمەتىنە تاعايىندالدى», دەلىنگەن حابارلامادا.
بەيبىت شاحانوۆ 1979 جىلى دۇنيەگە كەلگەن. ابىلاي حان اتىنداعى قازاق مەملەكەتتىك حالىقارالىق قاتىناستار جانە الەم تىلدەرى ۋنيۆەرسيتەتىن بىتىرگەن. سونىمەن قاتار قازاق مەملەكەتتىك زاڭ ۋنيۆەرسيتەتىن, قازاق كوممەرتسيالىق-قارجى اكادەمياسىن, لانكاستەر ۋنيۆەرسيتەتىن ( ۇلىبريتانيا) تامامداعان.
ەڭبەك جولىن 2002 جىلى تابيعي مونوپوليالاردى رەتتەۋ اگەنتتىگىنىڭ مونوپولياعا قارسى زاڭنامانىڭ ساقتالۋىن باقىلاۋ ءبولىمىنىڭ جەتەكشى مامانى بولىپ باستاعان.
وسى جىلدارى قارجى مينيسترلىگىنىڭ, ءبىلىم جانە عىلىم مينيسترلىگىنىڭ, قورشاعان ورتانى قورعاۋ مينيسترلىگىنىڭ قۇرىلىمدىق بولىمشەلەرىندە باسشىلىق قىزمەتتەردى اتقارعان.
2015-2022 جىلدارى ۇلتتىق ەكونوميكا مينيسترلىگىنىڭ قۇرىلىس, تۇرعىن ءۇي-كوممۋنالدىق شارۋاشىلىق جانە جەر رەسۋرستارىن باسقارۋ كوميتەتىندە, ينۆەستيتسيالار جانە دامۋ مينيسترلىگىندە, يندۋستريا جانە ينفراقۇرىلىمدىق دامۋ مينيسترلىگىندە جۇمىس ىستەگەن. الماتى قۇرىلىس باسقارماسىنىڭ باستىعى بولىپ جۇمىس ىستەدى.
2023 جىلدىڭ مامىر ايىنان باستاپ قازىرگى تاعايىندالعانعا دەيىن الماتى قالاسى اكىمى اپپاراتىنىڭ جەتەكشىسى قىزمەتىن اتقاردى.
