ساپار بارىسىندا ماجىلىسمەندەر اتىراۋ وبلىسىندا سۋ تاسقىنىن الدىن الۋعا اتسالىسىپ, سۋ باسقان ەلدى مەكەندەردىڭ تۇرعىندارىمەن كەزدەسىپ, زارداپ شەككەن اۋداندار مەن اۋىلداردى ارالادى.
جايىق وزەنىنەن ساقتانىپ, بوگەت سالىپ جاتقان المالى اۋىلىنىڭ تۇرعىندارىمەن كەزدەسۋدە نارتاي سارسەنعاليەۆ باستى ماقسات ەلدى مەكەندەردى تاسقىن سۋدان امان الىپ قالۋ ەكەنىنە ەرەكشە نازار اۋداردى.
– جايىق وزەنى كۇنىنە 20 سانتيمەترگە كوتەرىلىپ جاتىر. قازىر مۇندا المالىنى ارالعا اينالدىرىپ, بوگەتپەن قورشاپ جاتىر. سۋدىڭ قاتتى سوققانى سونشا, تۇتاس تاس قابىرعالاردى وپىرىپ تاستاعان. ماحامبەت اۋدانىنا دا ات باسىن تىرەدىك. جايىق الدىمەن وسىندا سوعادى. ماحامبەت اۋدانىندا جالپى 21 ەلدى مەكەن بار. سونىڭ ىشىندەگى 17 اۋىل جايىقتىڭ تۋرا جانىندا تۇر, – دەدى نارتاي سارسەنعاليەۆ.
ءماجىلىس دەپۋتاتى ماقسات تولىقباي اتىراۋدىڭ ءبىراز بولىگىن ساقتاپ قالۋعا مۇمكىندىك بار ەكەنىن ايتىپ, رەسەيدەن ۇلكەن نوپىرمەن سۋ كەلە جاتقانىنا الاڭداۋشىلىق ءبىلدىردى.
– باتىس قازاقستان وبلىسىنا دا قيىن بولايىن دەپ تۇر. ەشكىمگە وڭاي ەمەس. قازىر اتىراۋدى اينالدىرا قورشايتىن 21 شاقىرىم دامبا سالىنىپ جاتىر. ۋاقىت از. وعان قوسا جايىق وزەنى اتىراۋدىڭ ىشىمەن اعىپ وتەدى. كاسىپكەرلەر دە قولۇشىن سوزىپ, تەحنيكاسىنا دەيىن بەرىپ جاتىر. اسكەريلەر جۇمىلدىرىلدى. ءوز قالتاسىنان اقشا شىعارعان ارىپتەس دەپۋتاتتارعا, كۇن-ءتۇن دەمەي كومەك قولىن سوزىپ جاتقان اتىراۋ, المالى, يساتاي, ماحامبەت جانە تاعى باسقا اۋىل تۇرعىندارىنا العىسىمىز شەكسىز. «Amanat» پارتياسىنىڭ دا ۇيىمداستىرۋىمەن ازىق-ت ۇلىك, قاپ, قوسىمشا جۇمىس كۇشى, تەحنيكا كەلىپ جاتىر, – دەدى ماقسات تولىقباي.
قۇلسارى قالاسىنىڭ تۇرعىندارىمەن كەزدەسۋدە ەدىل جاڭبىرشين جالعان اقپاراتقا ەرمەي, بۇل قيىن جاعدايدان بىرىگىپ شىعۋ كەرەكتىگىنە باسا ءمان بەردى. سونىمەن قاتار دەپۋتاتتار سۋ باسقان بىرنەشە شاعىن اۋداندى ارالاپ, جۇرتتىڭ تالاپ-تىلەگىن اتىراۋ وبلىسىنىڭ اكىمىنە جەتكىزدى.
– ارنايى كوميسسيا جەرگىلىكتى بەلسەندىلەردى كىرگىزىپ, ساپالى جۇمىس اتقارۋى كەرەك. كوميسسيا تۇرعىن ۇيلەردى سۋ كەتكەننەن كەيىن ەمەس, قازىرگى جاعدايىن ەسكەرىپ باعالاۋعا ءتيىس, – دەدى ەدىل جاڭبىرشين.
ايتا كەتۋ كەرەك, تابيعي اپات سالدارىنان قۇلسارىدا 2 400 ءۇي سۋ استىندا قالعان, ونىڭ 200-دەن استامى قۇلاعان. بۇگىنگى كۇنى قالادا سۋدىڭ دەڭگەيى 60 سم-گە دەيىن تومەندەگەن. قازىر قالادا سۋ باسقان ۇيلەردى قۇرعاتۋ جۇمىستارى ءجۇرىپ جاتىر. بۇل جۇمىسقا ارنايى 58 تەحنيكا جانە 50 ادام جۇمىلدىرىلعان. بۇگىنگى كۇنگە دەيىن 7 800 تەكشە مەتر سۋ شىعارىلعان.
سونداي-اق دەپۋتات ەكاتەرينا سمىشلياەۆا قوستاناي وبلىسى قاراسۋ اۋدانىنىڭ تۇرعىندارىن ەۆاكۋاتسيالاۋعا قاتىستى. مۇندا 39 ەلدى مەكەننىڭ 8-ءىن سۋ باسقان. ال قارامىرزا اۋىلىندا 33 اۋلا مەن 53 تۇرعىن ءۇي زاقىمدانعان. جەرگىلىكتى تۇرعىندارمەن كەزدەسۋدە ماجىلىسمەن سۋ تاسقىنىنان زارداپ شەككەندەر تۇرعىندارعا قانداي وتەماقى تولەنەتىنىن ءتۇسىندىردى. ول ءۇشىن ارنايى كوميسسيا شىعىندى تولىق ەسەپتەيدى. تۇرعىن ۇيلەرى ب ۇلىنگەن ازاماتتاردىڭ ءتىزىمىن جەرگىلىكتى اكىمدىكتەر جاسايدى.
بۇگىندە قوستاناي وبلىسىندا سۋ تاسقىنى باسىلىپ كەلەدى. وڭىردە قاراسۋ جانە قوستاناي اۋداندارىنىڭ التى ەلدى مەكەنىندە, سونداي-اق وبلىس ورتالىعىندا 150-دەن اسا جەكە تۇرعىن ءۇي ءالى دە سۋ باسۋ اۋماعىندا قالىپ وتىر.
دەپۋتات ۆەرا كيم پاۆلودار وبلىسىنداعى جۇمىسىن جالعاستىرۋدا. ول اتامەكەن جانە كەنجەكول اۋىلىنداعى بوگەتتەردىڭ, بەكىنىستەر مەن جاعالاۋلاردىڭ تەحنيكالىق جاعدايىمەن تانىستى.
مۇندا سۋ تاسقىنىنىڭ ءبىرىنشى كەزەڭى اپاتسىز ءوتتى. ەرتىس وزەنىنىڭ بويىندا ورنالاسقان جوعارى ەرتىس سۋ قويمالارىنان شىعىس قازاقستان وبلىسىنا سۋدىڭ ەكىنشى تولقىنى كەلۋى مۇمكىن. تاسقىننىڭ الدىن الۋ ءۇشىن جاعالاۋلاردى نىعايتۋعا توپىراق اكەلىنىپ جاتىر. اتامەكەنگە 2 مىڭ توننا, كەنجەكولگە 6,5 مىڭ توننا قۇم جەتكىزىلدى.
ساراپشىلارمەن جانە ۆەدومستۆولىق قۇرىلىمداردىڭ وكىلدەرىمەن اڭگىمەلەسۋ بارىسىندا ۆەرا كيم ەسكەرتۋ جۇيەلەرىن تەكسەرۋ, ەۆاكۋاتسيالاۋ ورىندارىن انىقتاۋ جانە جاعدايدى ۇنەمى باقىلاۋدا ۇستاۋ قاجەتتىگىنە نازار اۋداردى. قازىر قۇتقارۋشىلار ەلدى مەكەندەردە تاۋلىك بويى كەزەكشىلىك ەتىپ, ماماندار بەكىنىستەردى تەكسەرىپ جاتىر.
