فوتو: اقوردا
تاجىكستان پرەزيدەنتى ەلىمىزدىڭ بىرقاتار وڭىرىندە بولعان سۋ تاسقىنىنا بايلانىستى قولداۋ ءبىلدىرىپ, قاجەتتى كومەك كورسەتۋگە دايىن ەكەنىن مالىمدەدى.
ءوز كەزەگىندە مەملەكەت باسشىسى تىلەۋلەستىك تانىتقانى ءۇشىن تاجىكستان پرەزيدەنتىنە العىس ايتىپ, قازىرگى تاڭدا سۋ تاسقىنىمەن كۇرەس جۇمىستارى تولىقتاي باقىلاۋدا ەكەنىن, ۇكىمەت اپات سالدارىن جويۋ ءۇشىن بارلىق قاجەتتى شارانى قابىلداپ جاتقانىن ايتتى.
تاراپتار قازاقستان مەن تاجىكستان اراسىنداعى ستراتەگيالىق سەرىكتەستىكتىڭ قازىرگى جاي-كۇيى مەن ونى ودان ءارى نىعايتۋ پەرسپەكتيۆاسىن تالقىلادى. ەكى ەلدىڭ ۇكىمەتتەرىنە ساياسي, ساۋدا-ەكونوميكالىق جانە مادەني-گۋمانيتارلىق سالالاردا قول جەتكىزىلگەن ۋاعدالاستىقتاردى ساپالى جۇزەگە اسىرۋ تاپسىرىلدى.
مەملەكەتتەر باسشىلارى قازىرگى حالىقارالىق جانە ايماقتىق كۇن تارتىبىندەگى وزەكتى ماسەلەلەر جونىندە پىكىر الماسىپ, الداعى كەزدەسۋلەر كەستەسىن قاراستىردى.
