نۇرتورە ءجۇسىپ ءوز سوزىندە گازەتتەر مەن جۋرنالداردىڭ ءرولى تۋرالى ايتا كەلىپ, قازىرگى قوعام ءۇشىن ساپالى جانە ۋاقتىلى اقپارات باستى قۇندىلىقتىڭ ءبىرى ەكەنىن اتاپ ءوتتى. ونىڭ ازىرلەنۋى مەن تارالۋى بۇقارالىق اقپارات قۇرالدارىنىڭ مىندەتى بولىپ تابىلادى. مەرزىمدى ءباسپاسوز – ولاردىڭ ىشىندەگى ەڭ كونەسىنىڭ ءبىرى.
«قوعام ومىرىندە گازەت-جۋرنالدىڭ ءرولى وراسان زور. جۋرنالدار, گازەتتەر, عىلىمي-كوپشىلىك جانە كوركەم ادەبيەت - عىلىم مەن مادەنيەتتىڭ بارلىق جەتىستىكتەرىن ساقتاۋ جانە ۇرپاقتان-ۇرپاققا جەتكىزۋدىڭ نەگىزگى قۇرالى. جۋرنالدار مەن گازەتتەر بارلىق جاستاعى ادامدارعا ءبىلىمنىڭ قاينار كوزى رەتىندە قىزمەت ەتەدى, ءومىردى بىلۋگە جانە باعالاۋعا, قوعامدىق قاتىناستار مەن تابيعات قۇبىلىسىنىڭ زاڭدىلىقتارىن تۇسىنۋگە كومەكتەسەدى. ادامنىڭ الەۋمەتتىك جانە ادامگەرشىلىك مۇراتتارىن قالىپتاستىرۋ, ونىڭ قوعامدىق مىنەز-ق ۇلىق عادەتتەرىن ۇيرەنۋدە ءباسپاسوزدىڭ ءرولى ەرەكشە», دەدى نۇرتورە ءجۇسىپ.
شاراعا قاتىسۋشىلار جۋرناليستيكا, رەداكتسيالىق ءىس سالاسىندا ساپالى كادرلار دايارلاۋ ماسەلەلەرىن تالقىلادى, سونداي-اق باسىلىمدىق باق-تى دامىتۋ تۋرالى ۇسىنىستار ايتىلدى. سەناتور سونىمەن قاتار پارلامەنت سەناتىنىڭ قىزمەتى تۋرالى, اتاپ ايتقاندا, اقپارات جانە ءباسپاسوز سالاسىندا جۇزەگە اسىپ جاتقان شارالار مەن قابىلدانىپ جاتقان زاڭدار تۋرالى ايتىپ بەردى.
