ارقالىق, قوستاناي قالالارى مەن امانگەلدى, جانگەلدى, قوستاناي جانە قاراسۋدىڭ 4 اۋدانىندا توتەنشە جاعداي جاريالاندى. وبلىس اكىمى ورىنباسارىنىڭ ايتۋىنشا, زارداپ شەككەندەرگە كەلتىرىلگەن شىعىندى وتەۋ ءۇشىن اتالعان وڭىرلەردىڭ بارلىعىندا كوميسسيالار قۇرىلىپ, جۇمىس ىستەپ جاتىر. تولەۋ تۋرالى شەشىمدى كوميسسيالار جىلجىمايتىن جانە جىلجىمالى م ۇلىك پەن مال باسىن باعالاپ, تەكسەرگەننەن كەيىن قابىلدايتىنىن ايتتى.
«بۇگىنگى تاڭدا 353 ءۇي تەكسەرىلىپ ونىڭ ىشىندە 159 ءۇيدى قالپىنا كەلتىرۋگە بولادى, باعالاۋ جۇرگىزىلگەننەن كەيىن شىعىن سوماسى تولەنەدى. 194 تۇرعىن ءۇيدى قالپىنا كەلتىرۋ مۇمكىن ەمەس, ءۇي يەلەرىنە باسپانا بەرىلەدى», دەدى ەرلان سپانوۆ وكق الاڭىندا.
بريفينگ بارىسىندا, وبلىستىڭ وڭتۇستىك وڭىرلەرى ءۇشىن كەلەسى ماڭىزدى باعىت – مال ءولىمىنىڭ ورنىن تولتىرۋ ەكەنى بەلگىلى بولدى. ۆەتەريناريالىق قىزمەتتىڭ مالىمەتىنشە, سۋ تاسقىنى سالدارىنان 951 باس مال ءولدى. سونىمەن قاتار, قازىرگى تاڭدا 214 باس مالعا باعالاۋ ەسەپتەرى جۇرگىزىلىپ, تولەم جاسالىنا باستاعانىن تىلگە تيەك ەتتى.
«سونداي-اق سۋ تاسقىنى سالدارىنان 1414 جوعارى ۆولتتى ەلەكتر تاراتۋ مۇناراسىن زاقىمدالدى. بارلىق ءىرى ەلدى مەكەندەردى ەلەكترمەن جابدىقتاۋ قالپىنا كەلتىرىلدى, بىراق 26-عا جۋىق ەلدى مەكەن ءالى كۇنگە دەيىن جارىقسىز وتىر. قازىرگى ۋاقىتتا سمەتالىق قۇجات, قاجەتتى ماتەريالدار ازىرلەنىپ جاتىر», دەپ قورىتىندىلادى قوستاناي وبلىسى اكىمىنىڭ ورىنباسارى ەرلان سپانوۆ.
قىرمىزى جۇماعاليقىزى,
ەۇۋ ستۋدەنتى
