فوتو: senate.parlam.kz
سەنات دەپۋتاتىنىڭ ايتۋىنشا, مىسالى, 9,8 مىڭ گا القاپتا قانت قىزىلشاسىن وندىرۋگە 8,6 ملرد تەڭگە قاجەت بولاتىن, الايدا 2 ملرد تەڭگە عانا ءبولىندى. سونداي-اق ەگىس القاپتارىن ۇلعايتۋعا قاجەتتى مينەرالدى تىڭايتقىشتارعا سۋبسيديا بەرىلمەگەن.
«نەگىزگى ماسەلەلەردىڭ ءبىرى – وزدىگىنەن جۇرەتىن دوڭعالاقتى تراكتورلار مەن كومباينداردىڭ جاڭارۋ كورسەتكىشىن 10,0 پايىزعا دەيىن جەتكىزۋ. ال, شارۋالاردىڭ ءوز قاراجاتى ەسەبىنەن تەحنيكانى ساتىپ الۋعا مۇمكىنشىلىگى تومەن. بۇگىنگى كۇنگە, تەحنيكانى جانە تەحنولوگيالىق جابدىقتى ساتىپ الۋعا نەسيە بەرۋ, سونداي-اق, ليزينگ كەزىندە سىياقى مولشەرلەمەسىن سۋبسيديالاۋ باعدارلاماسى شەڭبەرىندە باستاپقى اۆانستىق تولەم جۇرگىزۋ ارقىلى ءوز شەشىمىن تاۋىپ وتىر. دەگەنمەن, بۇعان دەيىن جاسالعان شارتتار بويىنشا سۋبسيديالار سۋمماسى مەن الداعى قاراستىرىلاتىن جوبالارعا اۆانستىق تولەمدەر وتەلگەن جاعدايدا عانا قوسىمشا 100 بىرلىك ءارتۇرلى تەحنيكامەن قامتۋعا مۇمكىندىك بار. بىراق بۇل شەشىلمەگەن ماسەلەلەردىڭ قاتارىندا قالىپ وتىر», دەدى سەناتور دەپۋتاتتىق ساۋالىندا.
سەناتور اتالعان ءوڭىردىڭ مال شارۋاشىلىعى سالاسىندا دا جاعداي كۇردەلى ەكەنىن اتاپ ءوتتى, دامىتۋعا 5,3 ملرد تەڭگە بولىنسە دە وتكەن جىلدان قالعان رەزەرۆتىك وتىنىمدەردىڭ قارىز سوماسى 2,6 ملرد تەڭگەنى قۇراعان. بۇل مال شارۋاشىلىعىنىڭ بۇدان بىلايعى دامۋىنا قاۋىپ ءتوندىرىپ وتىر.
«وسىعان بايلانىستى, مەملەكەت باسشىسىنىڭ تاپسىرماسىن ءىس جۇزىندە ورىنداۋ ماقساتىندا, جامبىل وبلىسىنىڭ اگروونەركاسىپتىك كەشەنىنىڭ 2023 جىلدان قالعان قارىزدارىن وتەۋگە جانە 2024 جىلعا قولداۋ كورسەتۋ ءۇشىن ءتيىستى قارجى قاجەتتىلىگىن قاراستىرۋ كەرەكتىگىن, سونداي-اق رەسپۋبليكامىزدىڭ بارلىق وڭىرلەرىندە دە اتالعان ماسەلە وزەكتى ەكەندىگىن جەتكىزە وتىرىپ, بارلىق باعىتتار بويىنشا ءتيىستى زەردەلەۋ جۇمىستارىن جۇرگىزىپ, ناقتى شارالار قابىلداۋ كەرەك», دەدى ساكەن ارۋباەۆ.
