وسىلايشا, توتەنشە جاعدايداعى اتىراۋ وبلىسىنا 3 «كاماز» جۇك كولىگى, 1 جەڭىل اۆتوكولىك, قۇرال-سايماندار (كۇرەك, بالتا, سۇيمەن جانە ت.ب.) جىبەرىلدى. ونىڭ ىشىندە شاتىرلار, كەرەۋەتتەر, شامدار, قۇتقارۋ كەۋدەشەلەرى, رەزەڭكە ەتىك, 5 مىڭ قاپ, ءدارى-دارمەك بار.
مەگاپوليستىڭ المالى اۋدانىنىڭ كوميۋنيتي ورتالىعى بازاسىندا اشىلعان قابىلداۋ پۋنكتى 29 ناۋرىزدان باستاپ جۇمىس ىستەپ جاتىر. كۇن سايىن الماتىلىقتار زارداپ شەككەن ايماقتارعا قارايلاسۋ ءۇشىن ءبىرىنشى كەزەكتە قاجەتتى زاتتاردى اكەلىپ جاتىر. بۇل باستاماعا قاراپايىم قالا تۇرعىندارىنان باستاپ, كاسىپكەرلەر, بەلسەندى جاستار دا اتسالىسىپ وتىر. وسىنىڭ ناتيجەسىندە 6 كۇننىڭ ىشىندە 10 تونناعا جۋىق گۋمانيتارلىق كومەك جينالسا, ونىڭ ىشىندە 2,5 توننادان اسا كيىم, 1 تونناداي گيگيەنا قۇرالدارى, 3,5 توننادان اسا ازىق-ت ۇلىك, تۇرمىستىق زاتتار, ت.ب. بار.
وسى كۇندەرى گۋمانيتارلىق كومەكتەردى قابىلداۋ پۋنكتىنىڭ جۇمىسىنا قالانىڭ 30-دان اسا ۆولونتەرلىك ۇيىمىنان 100-دەن اسا ەرىكتى جۇمىلدىرىلدى. ءوز كەزەگىندە جاستار ساياساتى باسقارماسى يگى ىسكە اتسالىسقان الماتىلىقتارعا العىس ءبىلدىرىپ وتىر.
گۋمانيتارلىق كومەك قابىلداۋ پۋنكتى اپتا سوڭىنا دەيىن المالى اۋدانى, بايتۇرسىن ۇلى كوشەسىندەگى 22/1 مەكەنجايىندا جۇمىسىن جالعاستىرادى. قابىلداناتىن گۋمانيتارلىق كومەك تۇرلەرىنە ازىق-ت ۇلىك, اۋىزسۋ, ءدارى-دارمەك, مەديتسينالىق كەرەك-جاراقتار مەن كيىم-كەشەك, كۇندەلىكتى قاجەتتى كورپە, جاستىق, ۇيىقتايتىن قاپ, شارۋاشىلىق تاۋارلارى سياقتى دۇنيەلەر جاتادى.
الماتى
