فوتو: primeminister.kz
سونىمەن قاتار رومان سكليار تەپليچنوە, پريبرەجنوە اۋىلدارىنداعى, ۋششەۆ كوشەسى بويىنداعى ارىقتاردى دايىنداۋ جۇمىستارىن جانە پەتروپاۆل قالاسىن اۋىز سۋمەن قامتاماسىز ەتىپ وتىرعان ماڭىزدى ستراتەگيالىق نىسان – «قىزىلجار سۋ» جشس-نىڭ ەكىنشى دەڭگەيدەگى سورعى ستانتسياسى بوگەتتەرىنىڭ قورعانىس قابىلەتىن تەكسەردى.
پرەمەر-ءمينيستردىڭ ءبىرىنشى ورىنباسارىنىڭ تاپسىرماسى بويىنشا سورعى ستانتسياسى بيىكتىگى 1,5 مەتر بولاتىن 450 مەترگە جايىلعان بوگەتپەن قورعالعان.
«قالاعا بەرىلەتىن اۋىز سۋ ساپاسىن تەكسەرۋ ماڭىزدى. ارنايى زەرتحانا ەكى ساعات سايىن سۋدىڭ ساپاسىن تەكسەرىپ, زەرتتەپ, ەسەپ بەرىپ وتىرۋى كەرەك. سۋدىڭ كەلۋىمەن ونىڭ جارامدىلىعى تومەندەۋى مۇمكىن. قالا تىرشىلىگىن قامتاماسىز ەتۋ جۇمىسىن ۇزدىكسىز جۇرگىزىپ وتىرۋ قاجەت», دەپ تاپسىردى رومان سكليار.
ءبىرىنشى ۆيتسە-پرەمەر سۋ تاسقىنىنا قارسى جۇمىستاردىڭ كولەمىن باعالاپ, جول ينفراقۇرىلىمى جۇكتەمەسىن ازايتۋ تۋرالى ەسەپتى تىڭدادى. ونىڭ ىشىندە, ۇلكەن سۋدىڭ كەلۋى تۋرالى جاڭارتىلعان بولجامدى ەسكەرە وتىرىپ, قاتتى سۋ باسۋ سالدارىن ازايتۋ پروتسەسى قوزعالدى.
