بىرەگەي قوسىمشا قازاق تىلىندەگى كۇندەلىكتى قولدانۋعا ارنالعان ديالوگتەر مەن ولارعا گرامماتيكالىق تولىقتىرۋدى ۇسىنادى. جوبانى ەۋرازيا ۇلتتىق ۋنيۆەرسيتەتى «Jana Asu» گرانتى ەسەبىنەن قارجىلاندىردى. عالىمدار قوسىمشانى كەلەسى جىلى قولدانىسقا ەنگىزۋدى جوسپارلاپ وتىر.
«ەلىمىزدە قازاق ءتىلىن ۇيرەنگىسى كەلەتىن شەتەلدىكتەر كوپ. وكىنىشكە قاراي, ءبىزدىڭ نارىقتا جوعارى ساپالى ۆەب-رەسۋرستار مەن قوسىمشالار از. قولدانىستاعى باعدارلامالار قازاق ءتىلىنىڭ گرامماتيكاسى مەن لەكسيكاسىن عانا تۇسىندىرەدى, ال پراكتيكالىق سوزدەر, ءسوز تىركەستەرى, ديالوگتەر جوق. سوندىقتان وسىنداي ولقىلىقتىڭ ورنىن تولىقتىرعىم كەلدى. مەنىڭ ماقساتىم – قازاق ءتىلىن حالىقارالىق دەڭگەيگە شىعارۋ جانە مۇنداي قوسىمشالار انا ءتىلىمىزدى شەتەلدىك قوناقتار اراسىندا دارىپتەۋگە سەپتىگىن تيگىزەدى دەپ سانايمىن», دەيدى ا.قالتەنوۆا.
قازىر ءىت-ماماندارى مەن عالىمدار ءموبيلدى قوسىمشانىڭ ءپروتوتيپىن جانە كەشەندى ديالوگتەردى ازىرلەۋگە كىرىستى. باعدارلامادا گرامماتيكالىق جانە لەكسيكالىق تۇسىنىكتەمەلەردەن تۇراتىن اۋديو نۇسقاۋلىقتار قاراستىرىلعان. ءموبيلدى قوسىمشا Android جانە iOS پايدالانۋشىلارىنا قولجەتىمدى بولماق.
