فوتو: kudaibergenov.dimash
«بۇگىن اقتوبەگە كەلىپ, سۋدان زارداپ شەككەن تۇرعىندارىمەن كەزدەستىم. ولارعا قيىندىقتى ەڭسەرۋدە مىقتى بولۋعا شاقىرىپ, كۇشىمىز بىرلىكتە ەكەنىن ايتتىم. سونىمەن قاتار قالادا اشىلعان گۋمانيتارلىق كومەكتى ۇيلەستىرۋ ورتالىعىنا بارىپ, ۆولونتەر جاستارمەن كەزدەسىپ العىسىمدى ءبىلدىردىم», دەپ جازدى ءانشى.
ديماش قۇدايبەرگەن اسكەري قىزمەتكەرلەرگە دە العىسىن ءبىلدىردى.
«باۋىرلار, شىن جۇرەكتەن راقمەت ايتامىن. اللا تاعالانىڭ ەلىمىزگە جىبەرىپ تۇرعان وسى سىناعى - قيىن كۇندەردە ءبارىمىز ءبىر جاعادان باس, ءبىر جەڭنەن قول شىعارىپ, بىرلىگىمىزدى كورسەتە ءبىلىپ جاتىرمىز. ەڭبەك ەتىپ جۇرە بەرەيىك. بولاشاعىمىز جارقىن بولسىن, ەڭ قيىن, ەڭ اۋىر كۇندەرىمىز وسىمەن كەتسىن, بۇدان كەيىن تەك قانا جاقسى كۇندەر كەلسىن باسىمىزعا», دەدى ديماش.
