جەرگىلىكتى اتقارۋشى ورگانداردىڭ تىزىمىنە سايكەس, زارداپ شەككەندەر ساناتىنا جاتقىزىلعان بارلىق ازاماتقا نەسيە بويىنشا تولەم اۆتوماتتى تۇردە 2024 جىلدىڭ 1 ءساۋىرى مەن 30 ماۋسىم ارالىعىندا 3 اي مەرزىمگە كەيىنگە قالدىرىلادى. ءارى وسىعان بايلانىستى كەشىكتىرىلگەن نەسيەگە ايىپپۇل مەن ءوسىمپۇل ەسەپتەلمەيدى.
بانكتەر مەن مقۇ م ۇلىككە جانە جەكە شارۋاشىلىققا, قارىز الۋشىلاردىڭ كىرىستەرى مەن قارجىلىق جاعدايىنا كەلتىرىلگەن زالالدىڭ اسەرىن باعالاۋ ءۇشىن جەكە تالداۋ جۇرگىزىپ, نەسيە بويىنشا قوسىمشا دەربەس قولداۋ كورسەتۋ شارالارىن ايقىندايدى. بۇگىندە نەسيە ۇيىمدارىنىڭ رەسمي سايتى مەن الەۋمەتتىك جەلىدەگى اككاۋنتتارىندا ءتيىستى ءوتىنىشتى بەرۋدىڭ ناقتى الگوريتمدەرى جانە قارىزدى قايتا قۇرىلىمداۋدى جۇرگىزۋ ءتارتىبى جاريالانا باستادى. بۇل ۇدەرىستى جەڭىلدەتۋ ءۇشىن بانكتەر مەن مقۇ زارداپ شەككەندەردىڭ ءوتىنىشىن ونلاين قابىلداۋدى دا جوسپارلاعان.
ەلدەگى جەكەلەگەن كومپانيالار مەن قورلار, سونداي-اق كاسىپكەرلەردىڭ تاسقىننان تارىققان ەلگە كومەك رەتىندە قوماقتى قاراجات اۋدارۋى دا ۇلكەن قولداۋ بولىپ وتىر.
قازىر ۇلكەن سومادا قارجى اۋدارعان كومپانيالاردىڭ ەڭ الدىندا «سامۇرىق-قازىنا» اق تۇر. كومپانيا قورىنان 15 ملرد تەڭگە بولىنگەن. ودان كەيىن «قازاقستان حالقىنا» قورى – 5 ملرد, «تەڭىزشەۆرويل» – 2 ملرد تەڭگە بولگەن. «شەۆرون» كورپوراتسياسى – 3 ملن دوللار (شامامەن 1,3 ملرد تەڭگە), Freedom Holding – 1 ملرد تەڭگە, Halyk Bank پەن «حالىق» قورى كومەك رەتىندە ءوز قاراجاتىنان 1 ملرد تەڭگە ءبولۋ تۋرالى بىرلەسكەن شەشىم قابىلدادى. «Air Astana» اۋە كومپانياسى – 1 ملرد, «قازاقمىس» پەن KAZ Minerals 800 ملن تەڭگە اۋدارعان. بولات وتەمۇراتوۆ قورى 680 ملن تەڭگە ءبولدى. «استانا موتورس» پەن BI Group حولدينگى 500 ملن تەڭگە اۋداردى.
تاعى وسى كولەمدەگى (500 ملن تەڭگە) قارجىنى «Allur», «QazTehna» جانە «Qarmet» كومپانيالارى مەن «Eurasian Resources Group ءبولىپتى». سونىمەن قاتار «Jusan Bank» – 300 ملن تەڭگە, «تسەنتر كرەديت بانكى» – 200 ملن تەڭگە, Bank RBK – 150 ملن تەڭگە, «Kaspi Bank» – 120 ملن تەڭگە «ەۋرازيالىق بانك» 20 ملن تەڭگە قارجى قاراستىرعان.
ايتپاقشى, وسىناۋ قيىنشىلىقتا ەڭ از سوما بولگەن «Kaspi Bank» وسى جىلدىڭ العاشقى ەكى ايىندا 69 ملرد تەڭگە پايدا تاپقان. ەلدەگى 10 ءىرى بانك رەيتينگىندە ەكىنشى ورىندا تۇرعانىنا قاراماستان, كومەك بويىنشا ەڭ از سومانى ءبولدى جانە كوپشىلىكتىڭ سىنىنا قالدى. وسىدان كەيىن تاسقىنعا قاتىستى تاعى 500 ملن تەڭگە بولۋگە شەشىم قابىلداعان.
Kcell جانە Beeline ۇيالى بايلانىس وپەراتورلارى سۋ تاسقىنىنان زارداپ شەككەن ازاماتتارعا تەگىن مينۋتتار, ينتەرنەت جانە SMS بەرەتىنىن حابارلادى. ال «قازمۇنايگاز» ينفراقۇرىلىمدى قالپىنا كەلتىرۋدى ءوز موينىنا الاتىنىن مالىمدەپ وتىر.
بۇگىندە قيىندىققا ۇشىراعان ەل تۇرعىندارىنا قاجەتتى ازىق-ت ۇلىك پەن ءدارى-دارمەك قورى دا وزگە وڭىرلەردەن تولاسسىز كەلىپ جاتىر. بۇعان قوسا «Biz Birgemiz Qazaqstan» قايىرىمدىلىق قورى بىرنەشە كۇن ىشىندە 55 مىڭ ەل تۇرعىنىنان 80 ملن تەڭگەگە جۋىق اقشا جيناعان ەدى. قازىر بۇل سوما 100 ملن تەڭگەدەن اسقان.
