وبلىستىق توتەنشە جاعدايلار دەپارتامەنتىنىڭ قوعاممەن بايلانىس توبىنان ءمالىم ەتكەندەي, جىلىوي اۋدانىندا اۆاريالىق-قۇتقارۋ جۇمىسى ءۇزىلىسسىز جۇرگىزىلىپ جاتىر.
«جىلىوي اۋدانىنىڭ قۇلسارى قالاسىندا تۇرعىنداردى ەۆاكۋاتسيالاۋ ءالى توقتاعان جوق. قۇتقارۋشىلار اۋىل تۇرعىندارىن جانە ولاردىڭ ءتورت ت ۇلىگىن قاۋىپسىز جەرگە كوشىرۋگە كومەكتەسىپ جاتىر. اۋداننان 9 ساۋىردەگى مالىمەتكە سايكەس, 34 998 تۇرعىن ەۆاكۋاتسيالانىپ, قابىلداۋ پۋنكتتەرىنە ورنالاستىرىلدى. ونىڭ ىشىندە 7 239 بالا بار. ەلدى مەكەندەر تۇرعىندارىنىڭ يەلىگىندەگى 19 939 باس مال قاۋىپسىز جەرگە ايدالدى», دەپ حابارلادى دەپارتامەنتتىڭ قوعاممەن بايلانىس توبى.
جىلىوي اۋدانىنا ەلىمىزدىڭ ءار وڭىرىنەن 600 توننادان استام گۋمانيتارلىق كومەك جەتكىزىلگەن.
«سۋ استىندا قالعان تۇرعىن ۇيلەردىڭ, كاسىپكەرلىك سۋبەكتىلەرىنە يەلەرىنە, تۇرعىندارعا, كاسىپورىندار مەن مەكەمەلەردىڭ باسشىلارىنا سۋ باسقان اۋماقتارعا بارماۋدى سۇرايمىز. بۇل توتەنشە جاعدايلار تۋىنداماۋى ءۇشىن قاجەت», دەپ ءمالىم ەتتى دەپارتامەنتتىڭ قوعاممەن بايلانىس توبىنان.
