فوتو: تجم
ەراسىل سايپاشتىڭ ايتۋىنشا, توتەنشە جاعدايلار مينيسترلىگى مەن جەرگىلىكتى اتقارۋشى ورگاندار 8 ميلليون تەكشە مەتردەن استام ەرىگەن سۋدى سورىپ, 1,192 مىڭنان استام قاپ پەن 1 توننا ينەرتتى ماتەريال توسەدى.
«توتەنشە جاعداي بويىنشا قۇتقارۋ جۇمىستارى تاۋلىك بويى ءجۇرىپ جاتىر. ءدال قازىرگى ۋاقىتتا 16 مىڭعا جۋىق ادام, 2500-دەن استام تەحنيكا, 441 سۋ ايداۋ قۇرىلعىسى, 131 سۋ كولىگى جۇمىلدىرىلدى. ازاماتتىق قورعاۋ قىزمەتتەرى 85 مىڭنان استام ادامدى, ونىڭ ىشىندە 30 مىڭعا جۋىق بالانى قۇتقارىپ, ەۆاكۋاتسيالادى. ۋاقىتشا ورنالاستىرۋ ورتالىقتارىندا 8349 ادام بولسا, ونىڭ 3809-ى بالالار», دەدى ەراسىل سايپاش ورتالىق كوممۋنيكاتسيالار قىزمەتىندە وتكەن بريفينگتە.
ەلىمىزدىڭ اقتوبە, قوستاناي, باتىس قازاقستان, ۇلىتاۋ, اقمولا, قاراعاندى, اتىراۋ, پاۆلودار جانە سولتۇستىك قازاقستان وبلىستارىندا 29 جەرگىلىكتى توتەنشە جاعداي تىركەلدى.
سونداي-اق جەدەل جەلىگە 1129 قوڭىراۋ ءتۇسىپ, 76 جەدەل پسيحولوگيالىق كومەك كورسەتىلدى. سونىمەن قاتار 20 وبلىستا رەسپۋبليكالىق جانە وبلىستىق جەدەل شتابتار ءوز قىزمەتتىرىن اتقارىپ جاتىر.
قىرمىزى جۇماعاليقىزى,
ەۇۋ ستۋدەنتى
