ۇلتتىق ستاتيستيكا بيۋروسىنىڭ اقپاراتىنىنا سايكەس, ەل وڭىرلەرىندە الەۋمەتتىك ازىق-ت ۇلىك باعاسىنىڭ ءوسۋى تىركەلمەگەن.
«مينيسترلىك سۋ تاسقىنىنان زارداپ شەككەن 10 وبلىستا ازىق-ت ۇلىك تاۋارلارى, ونىڭ ىشىندە الەۋمەتتىك ماڭىزى بار ازىق ت ۇلىكپەن قامتۋ جاعدايىن تۇراقتى باقىلاۋدا ۇستاپ وتىر. ساۋدا نىساندارىندا كوشپەلى رەۆيزيا جۇرگىزىلدى, ازىق-ت ۇلىك جانە ەڭ قاجەتتى تاۋارلار قورلارى تەكسەرىلدى», دەدى ساۋدا جانە ينتەرگراتسيا مينيسترلىگىنىڭ رەسمي وكىلى ءاليا ابدراحمانوۆا.
ونىڭ سوزىنشە, سۋ باسقان وڭىرلەردە 80 ساۋدا نىسانى زارداپ شەككەن. (پاۆلودار وبلىسىندا - 1, قوستاناي وبلىسىندا - 22, اقتوبە وبلىسىندا - 9, اتىراۋ وبلىسىندا - 35, باتىس قازاقستان وبلىسىندا - 13 نىسان). قازىر زالال سوماسى ناقتىلانىپ جاتىر. قالعان وڭىرلەردە جاعداي تۇراقتى.
«مينيسترلىك تۇراقتى نەگىزدە ساۋدا جەلىلەرىمەن, ءۇي جانىنداعى دۇكەندەرمەن جانە كوتەرمە ساۋدا نۇكتەلەرىمەن ءوزارا ءىس-قيمىل جاسايدى. كۇن سايىن ازىق-ت ۇلىك باعاسىنا مونيتورينگ جۇرگىزىلەدى. سونىمەن قاتار ءىرى ساۋدا جەلىلەرىمەن باعا تۇراقتىلىعىن قامتاماسىز ەتۋ باعىتىندا ءتۇسىندىرۋ جۇمىستارى جۇرگىزىلدى. تاۋار, ازىق-ت ۇلىك باعاسىنىڭ ءوسۋ فاكتىلەرى انىقتالعان جاعدايدا 8(7172)74-37-35 نومىرىنە حابارلاسۋىڭىزدى سۇرايمىز», دەيدى رەسمي وكىل.
