تورعايداعى ەۆاكۋاتسيا پۋنكتتەرىندە جاتقان ءتاۋىش, كولقامىس, ارالباي ەلدى مەكەندەرىنىڭ تۇرعىندارى اۋىلدارىنا تىكۇشاقپەن جەتكىزىلدى. تەنتەكساي اۋىلىنىڭ ءتورت وتباسى جاركول اۋىلىندا. جەرگىلىكتى اكىمدىك ولارعا باسپانا بەرىپ, تۇرمىسقا قاجەتتى زاتتارمەن قامتاماسىز ەتكەن.
تورعاي اۋىلىنداعى ەۆاكۋاتسيالىق پۋنكتتەردەگى بارلىعى 600-دەن استام ادام اۋىلدارىنا ورالىپ, ەۆاكۋاتسيالىق ورتالىقتار جابىلعان. جەرگىلىكتى بيلىك اتالعان اۋىلداردىڭ تۇرعىندارىنىڭ تۇرمىسىنا قاجەت ازىق-ت ۇلىك, كيىم-كەشەكءتى تىكۇشاقپەن جەتكىزىپ بەردى. مۇنداي كومەك كولىك قاتىناسى ۇزىلگەن ەلدى مەكەندەرگە جول قالپىنا كەلگەنشە تۇراقتى تۇردە كورسەتىلەتىن بولادى.
سونداي-اق وڭىردە سۋ تاسقىنى سالدارىنان كەلگەن شىعىندى ەسەپتەۋ, باعالاۋ كوميسسياسى جۇمىس ىستەپ جاتىر. اتالعان كوميسسياعا جانگەلدين اۋدانى بويىنشا بۇگىنگە دەيىن 58 ءوتىنىش كەلىپ تۇسكەن. مۇنىڭ سىرتىندا, تۇرعىندارعا 50 اەك كولەمىندە الەۋمەتتىك وتەماقى تولەندى. 8 ساۋىردەگى مالىمەت بويىنشا 32 تۇرعىنعا 5,9 ملن تەڭگە الەۋمەتتىك كومەك بەرىلگەن.
كوميسسيا جۇمىسىن جالعاستىرادى.
قوستاناي وبلىسى
