قاراتومار, جوعارعى توبىل, جەلقۋار سۋ قويمالارى مامانداردىڭ باقىلاۋىندا.
«توبىل وزەنىندەگى سۋ دەڭگەيىنىڭ كوتەرىلۋى جانە ەلدى مەكەندەردى سۋ باسۋ قاۋپىنە بايلانىستى وتكەن دەمالىس كۇندەرى بار كۇش قوستاناي قالاسى مەن قوستاناي اۋدانىنا جۇمىلدىرىلدى. وسى رەتتە ەرىگەن سۋدى بۇرۋ ءۇشىن ارىق دايىنداۋ, ينەرتتى ماتەريالدار سالىنعان قاپتاردى توسەۋ, سۋدى سورۋ, جاعالاۋلاردى نىعايتۋ سياقتى جۇمىستار جۇزەگە اسىرىلدى. سۋ تاسقىنى كەزەڭىندە شامامەن 774 822 مىڭ م3 ەرىگەن قار سۋى سورىلىپ, 74 299 مىڭنان استام قاپ جانە 7265 توننا ينەرتتى ماتەريال توسەلدى.
8878 ادام, ونىڭ ىشىندە 11 مۇمكىندىگى شەكتەۋلى ادام جانە 1765 بالا قۇتقارىلىپ, ەۆاكۋاتسيالاندى. 464 ادام, ونىڭ ىشىندە 123 بالا ۋاقىتشا ورنالاستىرۋ پۋنكتتەرىنە ورنالاستىرىلدى», دەپ حابارلادى وبلىستىق جەدەل شتاب وكىلدەرى.
فەدوروۆ, قارابالىق, قاراسۋ, قوستاناي, اۋليەكول, ب.مايلين, قوستاناي اۋداندارىندا ەرىگەن قار سۋىن سورۋ, قاپ توسەۋ جۇمىستارى ءجۇرىپ جاتىر. اتقارىلعان جۇمىستار مەن ءىس-شارالار ناتيجەسىندە ب.مايلين اۋدانىنىڭ تۇرعىندارى ۇيلەرىنە قايتا ورالدى.
وبلىستا 135 ەۆاكۋاتسيالىق پۋنكت بار, ولار سۋ تاسقىنىنان زارداپ شەككەندەردى ۋاقىتشا باسپانامەن, تاماقپەن, مەديتسينالىق كومەكپەن جانە قاجەتتى ماتەريالدىق رەسۋرستارمەن قامتاماسىز ەتەدى.
ەرىكتىلەر مەن قالا تۇرعىندارى سۋ تاسقىنىنا قارسى كۇرەستە تاۋلىك بويى جۇمىس ىستەپ, ايتارلىقتاي كومەك كورسەتىپ جاتىر. ۆولونتەرلەر كوممۋنالدىق قىزمەت جۇمىسشىلارىن, مەملەكەتتىك جانە قۇقىق قورعاۋ ورگاندارىنىڭ كەزەكشى قىزمەتكەرلەرىن ىستىق تاماقپەن, شايمەن قامتاماسىز ەتىپ جاتىر.
قوستاناي وبلىسى
