فوتو: primeminister.kz
استانالىق كونتررەتتەگىشتە سۋدىڭ اعۋى قازىر سەكۋندىنا 30 تەكشە مەتردى قۇرايتىنى باياندالدى. كونتررەتتەگىشكە كەلىپ جاتقان اعىن سەكۋندىنا 248 تەكشە مەتردى قۇرايدى. قازىرگى ۋاقىتتا كونتررەتتەگىشتىڭ سۋ اعىزۋ قابىلەتىن سەكۋندىنا 40 تەكشە مەترگە دەيىن ارتتىرۋ جوسپارلانىپ وتىر.
سۋ رەسۋرستارى جانە يرريگاتسيا مينيسترلىگىنىڭ مالىمەتتەرى بويىنشا, احۋال تۇراقتى جانە ۇدايى باقىلاۋدا تۇر, استانا قالاسىن سۋ باسۋ قاۋپى جوق.
ۇكىمەت باسشىسىنا استانا سۋ قويماسىنداعى جاعداي تۋرالى باياندالدى.
سۋدى اعىزۋ سەكۋندىنا 400 تەكشە مەتر دەڭگەيىندە جۇزەگە اسىرىلادى, سۋ قويماسىنىڭ كولەمى 409 ملن تەكشە مەتردى قۇرايدى. پرەوبراجەنسكي تورابىندا شارىقتاۋ شەگىنە جەتتى, نۇرا وزەنى ارقىلى توراپقا قۇياتىن سۋ اعىنى ازايىپ كەلەدى: قازىرگى ۋاقىتتا سەكۋندىنا 1400 تەكشە مەتر سۋ ءوتىپ وتىر.
استانا قالاسى مەن اقمولا وبلىسى اكىمدىگى جاقىن ماڭداعى ەلدى مەكەندەر مەن قالالاردى سۋ باسۋدىڭ الدىن الۋ بويىنشا بىرلەسكەن جۇمىستار جۇرگىزىپ جاتىر.
تايتوبە اۋىلىندا سۋ تاسقىنىنان نەگىزگى قورعانىس قىزمەتىن اتقارعان ۇيىندىلەردى نىعايتۋ جۇمىستارى اياقتالىپ قالدى. بيىل قولدانىستاعى 2400 مەترلىك بوگەتكە ۇزىندىعى 1200 مەتر, بيىكتىگى 2,5 مەتر بولاتىن جاڭا بوگەت تۇرعىزىلدى.
جەدەل شتاب استانا, قوسشى قالالارى مەن تايتوبە اۋىلىنداعى سۋ قويمالارىنان سۋ جىبەرۋ دەرەكتەرى بويىنشا جاسالعان بولجامداردى ەسكەرە وتىرىپ, سۋ تاسقىنى جاعدايىنا مونيتورينگ جۇرگىزەدى.
