ۇستالعانداردىڭ جارتىسى شەت ەلدەردەن تابىلعان, دەپ حابارلايدى Polisia.kz .
ولاردىڭ جارتىسى تمد-دان تىس ەلدەردە: تۇركيا, يسپانيا, اقش, شۆەتسيا, چەحيا, ءباا جانە پولشادا, قالعان جارتىسى كورشىلەس ەلدەردە: رەسەي, قىرعىزستان, گرۋزيا جانە وزبەكستاندا تابىلعان.
اسا ءىرى كولەمدە اقشا ۇرلاعانى ءۇشىن ىزدەۋدە جۇرگەن قىلمىسكەر ءباا-دەن ەكستراديتسيالاندى. ول 2010 جىلى الماتى قالاسىنداعى بانكتەردىڭ بىرىندە الاياقتىق جولمەن 294 ميلليون تەڭگە نەسيە الىپ, جىمقىرعان. قازىرگى ۋاقىتتا ەر ادام قاماۋعا الىندى. سونىمەن قاتار, پولشادا ينتەرپولدىڭ سۇراۋى بويىنشا ىشكى ىستەر مينيسترلىگى 2016-2019 جىلدار ارالىعىندا استانا قالاسىندا ديرەكتور جانە باس ەسەپشىمەن بىرگە جشس بىرىندە ەسەپشى بولىپ جۇمىس ىستەگەن قىلمىسكەردى ۇستادى. 400 ميلليون تەڭگەنى زاڭسىز يەمدەنگەن», دەيدى ءىىم كريمينالدىق پوليتسيا باسقارماسىنىڭ باستىعى قانات نۇرماعامبەتوۆ.
