قيىن-قىستاۋ كەزدەردە ورتاق بايراق استىنا بىرىگىپ, ەلدىكتى ۇران ەتكەن قازاق باتىرلارىنىڭ ەرلىگىن بۇگىنگى كۇنى ماڭعىستاۋلىق ازاماتتار قايتالاپ وتىر. اتىراۋ وبلىسى جىلىوي اۋدانىنان قۇلسارىداعى سۋ تاسقىنى كەزىندە كوشىرىلگەن تۇرعىنداردىڭ ءبىر لەگى بەينەۋ اۋدانىنداعى ەۆاكۋاتسيالىق پۋنكتتەرگە ورنالاستى. وڭىردەگى سپورت ساڭلاقتارى بىرىگىپ, قومەك قاجەت ەتكەن جاندارعا بارىنشا دەمەۋ كورسەتىپ جاتىر.
اتاپ ايتقاندا, بەينەۋ اۋداندىق ارالاس جەكپە-جەك باپكەرلەرى مەن سپورتشىلارى سپورت زالدارىنا كوشىپ كەلىپ جاتقان تۇرعىنداردى ورنالاستىرعان. ال, بەينەۋ اۋداندىق سپورت مەكەمەلەرىنىڭ سپورت زالدارىندا قاجەتتى 100-200 توسەك ورىن دايىندالىپ, سپورتشىلار تۇگەلدەي جۇمىلدىرىلدى. جانە جاڭاوزەن قالالىق بالالار جانە جاسوسپىرىمدەر سپورت مەكتەپتەرىنىڭ ۇجىمى مەن جاتتىقتىرۋشىلارى سپورت زالدارعا كەرەۋەتتەردى دايىنداپ ادامداردى ورنالاستىرۋعا جاعداي جاساپ قويدى.
سونىمەن قاتار, ماڭعىستاۋ وبلىسىنىڭ دەنە شىنىقتىرۋ جانە سپورت باسقارماسىنا قاراستى سپورت مەكەمەلەرىنىڭ اۆتوبۋستارى جانە سپورتشىلارى جانە ماماندار جەكە كولىكتەرىمەن تۇرعىنداردى كوشىرۋگە اتسالىسىپ جاتىر.
ماڭعىستاۋدان كەتىپ جاتقان فۋرو-كامازدارعا, كولىكتەرگە اقتاۋدان, مۇنايلىدان, ماڭعىستاۋ اۋدانىنان گۋمانيتارلىق كومەككە قاجەتتى قاپشىقتاردى وراپ, جۇك كولىكتەرىنە تيەۋگە باپكەرلەرمەن قاتار جاس سپورتشىلار دا ءوز كومەكتەرىن كورسەتىپ جاتىر.
بىرقاتار سپورتشىلار اقتاۋ قالاسىنداعى ەۆاكۋاتسيالىق پۋنكتتەگى 17 شاعىناۋدانىندا ورنالاسقان جاتاقحانا جانىننان قۇرىلعان اعاش ءۇيدى تىگۋگە, ورنالاستىرۋعا كومەكتەسىپ ءجۇر. سپورت ماماندارى ەۆاكۋاتسيالىق پۋنكتتەردى ازىق-ت ۇلىك پەن قاجەتتى گۋمانيتارلىق كومەكپەن قامتاماسىز ەتىپ وتىر.
ايتا كەتۋ كەرەك, سپورتشىلار مەن جانە سپورت فەدەراتسيالارى اتىنان سۋ اپاتىنان ەۆاكۋاتسيالانعان ازاماتتارعا قارجىلاي كومەك كورسەتىلىپ جاتىر. وسىعان دەيىن, ماڭعىستاۋلىق سپورتشىلار ەلىمىزدىڭ باتىس ايماعىنداعى سۋ باسقان وڭىرلەرگە گۋمانيتارلىق كومەكتى فۋرالارعا تيەپ جىبەرگەن بولاتىن.
