«ويتكەنى توبىل وزەنىنىڭ دەڭگەيى كوتەرىلىپ كەلەدى. قاراتومار سۋ قويمسىنان سۋ جىبەرۋ سەكۋندىنا 2640 تەكشە مەترگە دەيىن ۇلعايتىلدى. قاراتوماردان شىققان سۋ تۇستەن كەيىن بىزگە جەتەدى. ياعني, بۇل – قالانىڭ ماڭىنان سەكۋندىنا شامامەن 3 جارىم مىڭ تەكشە مەتر سۋ اعىپ وتەدى دەگەن ءسوز. 2000 جىلى قاراتومار سەكۋندىنا 1700 تەكشە مەتر سۋ جىبەرگەن. ال بۇگىن سۋ اعىنى سەكۋندىنا 4 مىڭ تەكشە مەترگە دەيىن جەتۋى ابدەن مۇمكىن», دەدى قوستاناي قالاسىنىڭ اكىمى مارات جۇندىباەۆ.
قالا اكىمى توتەنشە جاعدايدىڭ وسى قاۋىپتىڭ الدىن الۋ ءۇشىن ەنگىزىلىپ جاتقانىن ايتتى. قوستانايدا 1000-نان استام ادامدى قابىلداي الاتىن 20 شاقتى ەۆاپۋنكت دايىندالعان.
«قازىر ەۆاكۋاتسيالىق ورتالىقتاردا ادامداردىڭ ۋاقىتشا تۇرۋىنا قاجەت جاعدايدىڭ ءبارى جاسالعان. ازىق-ت ۇلىك, توسەك-ورىن جەتكىلىكتى. اۆتوبۋستار دا دايىن تۇر. كەشە قالا شەتىندەگى ساياباقتاردان 218 ادام ەۆاكۋاتسيالاندى. ولاردىڭ التاۋى عانا «درۋجبا» شيپاجايىنا ورنالاستى, قالعانى تۋىس-تۋعاندارىنىڭ ۇيىنە كەتتى. ەۆاكۋاتسيالاۋ بۇگىن دە جالعاساتىن بولادى. ابىروي بولعاندا, توبىلدان قاۋىپ ءتونۋى مۇمكىن ەكەنىن بىزگە الدىن الا ەسكەرتتى. كەشەدەن بەرى جەرگىلىكتى پوليتسيا مەن تج قىزمەتكەرلەرى ساياباقتاردى ارالاپ, تۇرعىندارعا جاعدايدى ءتۇسىندىرىپ, كوندىرىپ, قاۋىپسىز جەرگە الىپ شىعىپ جاتىر. بۇگىن تج رەجىمى ەنگىزىلدى, ەندى مۇنداي شۇعىل شارالاردى كۇشەيتەتىن بولامىز. ويتكەنى, سۋ تاسقىنىنىڭ ەڭ قاۋىپتى كەزەڭى بۇگىن كەشكە نەمەسە تۇندە بولادى. سوندىقتان بۇگىن كۇن جارىقتا بارلىق ساقتىق شارالارىن جاساپ ۇلگەرۋىمىز كەرەك», دەدى اكىم.
توبىل جاعاسىندا تاڭنان بەرى قىزۋ جۇمىس ءجۇرىپ جاتىر. بىرنەشە ەكسكاۆاتور ەسكى كوپىردىڭ استىنا كىرىپ اعىنعا بوگەت جاساۋى مۇمكىن ۇلكەن مۇزداردى شومىشىمەن ۇرىپ سىندىرىپ جاتىر. تج قىزمەتكەرلەرى, پوليتسەيلەر, مەملەكەتتىك قىزمەتشىلەر مەن ەرىكتىلەر قاۋىپ ءتونۋى مۇمكىن جاعالاۋعا جاقىن كوشەلەردەن ادامداردى ەۆاكۋاتسيالاپ, قۇم قاپتارىن دايىنداپ جاتىر.
