اتىراۋ وبلىستىق جەدەل شتابتىڭ مالىمەتىنە سۇيەنسەك, جەم وزەنىنىڭ سۋى كوتەرىلىپ, قۇرساي كانالى ارناسىنان اسقان.
«قۇلسارى قالاسىندا 500 ءۇيدى تاسقىن سۋ باسىپ, 2400 تۇرعىن قاۋىپسىز اۋماققا كوشىرىلدى. تۇرعىندار ارنايى بولىنگەن قابىلداۋ پۋنكتتەرىنە ورنالاستىرىلدى. ەۆاكۋاتسيالانعان تۇرعىندار ءۇشىن «تەڭىز» كەن ورنىنداعى ۆاحتالىق كەنتتەن جاتاقحانالار دايىندالىپ جاتىر», دەپ حابارلادى وبلىستىق جەدەل شتابتان.
قازىر بوگەت سالۋ, نىعايتۋ جۇمىسى ءجۇرىپ جاتىر. وعان جەرگىلىكتى اتقارۋشى ورگاننان, توتەنشە جاعدايلار, ىشكى ىستەر دەپارتامەنتتەرىنەن, №41433 اسكەري بولىمىنەن 323 قىزمەتكەر, 142 تەحنيكا تارتىلعان.
«جىلىوي اۋدانىندا ەلدى مەكەندەردى تاسقىن سۋدان قورعاۋ ءۇشىن قۇم تولتىرىلعان 45452 قاپ, 174 مىڭ توننا ينەرتتى ماتەريال توسەلدى. بۇل جۇمىسقا 4540 ەرىكتى جۇمىلدىرىلدى», دەپ ءمالىم ەتتى وبلىستىق جەدەل شتابتان.
