وبلىس اكىمدىگىنىڭ مالىمەتىنشە, 4 ساۋىردە ديزەلدى گەنەراتورلاردىڭ كومەگىمەن امانگەلدى اۋدانىنىڭ قۇمكەشۋ, ايتباي, ستەپنياك, جانگەلدى اۋدانىنىڭ توقاناي, ساعا اۋىلدارىندا ۇيالى بايلانىس ىسكە قوسىلعان. سونداي-اق قىزىلجۇلدىز اۋىلىنداعى «قازاقتەلەكوم» اكتسيونەرلىك قوعامى «نۇكتە كوپ نۇكتە» قاعيداتى بويىنشا ينتەرنەت بايلانىسىن قالپىنا كەلتىردى.
«ازىرشە ۇيالى بايلانىسسىز وتىرعان 5 ەلدى مەكەن قالدى. ولار – قابىرعا, اقكول, ا.بايتۇرسىن ۇلى, ەكىدىڭ, قىزىلجۇلدىز اۋىلدارى. بۇل اۋىلداردا ەلەكتر ەنەرگياسى جوق, كىرەتىن جول جوق. سوندىقتان ۇيالى بايلانىس ورناتۋ قيىنعا سوعىپ وتىر», دەيدى وبلىستىق اقپاراتتاندىرۋ باسقارماسىنىڭ باسشىسى ازامات قاشيەۆ.
