فوتو: قوستاناي وبلىسىنىڭ اكىمدىگى
اكىمدىك قىزمەتكەرلەرى مەن جەدەل شتاب مۇشەلەرى سۋ تاسقىنى بولۋى مۇمكىن جەرلەردە نون-ستوپ رەجيمىندە كەزەكشىلىك اتقارىپ ءجۇر. وقيعا ورنىنا بارعان سەرىك بەكتۇرعانوۆ ولارمەن سۋ تاسقىنىنا قارسى ءىس-قيمىل جانە زارداپ شەككەندەرگە كومەك كورسەتۋ تەتىكتەرىن تالقىلادى. ول ەرىكتىلەرگە ريزاشىلىعىن ءبىلدىرىپ, كومەگى ءۇشىن العىس ايتتى.
«گيدرولوگيا ماماندارى مۇنداي سۋ تاسقىنى كوپتەن بەرى بولماعانىن ايتىپ جاتىر. بىراق قازىرگى جاعدايدا سۋ تاسقىنى نەدەن بولعانىن ەمەس, ودان حالىقتى قالاي قۇتقاراتىنىمىزدى ويلاۋ قاجەت. مەملەكەت باسشىسى قاسىم-جومارت توقاەۆ پەن ۇكىمەت باسشىسى ولجاس بەكتەنوۆ زارداپ شەككەندەرگە كومەك كورسەتۋ باعدارلارىن ناقتى بەلگىلەپ بەردى. ماتەريالدىق كومەككە مۇقتاج ادامدار ونى دەرەۋ الادى. ءبىز, قوستانايلىقتار, اۋليەكول اۋدانىندا بولعان ءورت كەزىندە پرەزيدەنتىمىزدىڭ تاپقىرلىعىنا كۋا بولعان ەدىك. ول دەرەۋ وقيعا ورنىنا ۇشىپ, حالىقتى تىنىشتاندىردى, ال زارداپ شەككەندەرگە قاجەتتى كومەك كورسەتىلدى. بۇل جولى دا بارلىعى ويداعىداي بولادى. حالىققا كەلتىرىلگەن شىعىن مىندەتتى تۇردە وتەلەدى», دەدى ۇلتتىق قۇرىلتاي مۇشەسى.
سەرىك بەكتۇرعانوۆ وسىناۋ قيىن ساتتە ەل اراسىندا ءوزارا تۇسىنىستىك پەن بىرلىك تەك نىعايۋى كەرەك ەكەنىن العا تارتتى.
