اۋىلدىڭ شەتىن سۋ باستى

وسى اۋداننىڭ اۋماعىنداعى «كوكشەتاۋ – ومبى» رەسپۋب­لي­كالىق تاس­جولىن سۋ باسىپ قالعان. سو­نىمەن قاتار وسى ماڭداعى مورتىق اۋىلىندا بەس ۇيگە سۋ كىردى. پوليتسيا قىزمەتكەرلەرى وسى سۋدى سورعىزىپ جانە قايتا كەلمەس ءۇشىن ينەرتتى زاتتارى بار قاپتاردى ۇيۋگە, سۋ جولدارىن تازارتىپ, ارىقتاردى تا­زالاۋعا كومەك­تەس­تى. سۋ كىرگەن ۇي­لەردىڭ تۇرعىن­دا­رى قۇرعاق الاڭ­داردارعا شىعارىلىپ, ەۆا­كۋا­تسيالىق ورىندارعا جەت­كىزىلدى. دۇنيە-م ۇلىكتەرىن سۋ شايۋىنا جول بەرمەدى.

اتالعان اۋدان اۋماعىنداعى «كوكتەرەك – توسپا – جاسقايرات – قاي­رات» اۆتوجولىنىڭ كەيبىر ۋچاسكەلەرىنەن سۋ ءجۇرىپ كەتتى. كەيبىر جەرلەردە سۋدىڭ تەرەڭدىگى 80 سم-گە دەيىن كوتەرىلدى. سونداي-اق اۋدانداعى وبلىستىق ماڭىزى بار «كىشكەنەكول – زولوتايا نيۆا» جولىنىڭ كەيبىر ۋچاسكەلەرى بۇزىلدى. ءتارتىپ ساق­شى­لارى بۇل ۋچاس­كەلەردە كۇندىز-ءتۇنى كەزەكپەن كەزەكشىلىكتە تۇرىپ, قوز­عالىستى شەكتەپ, قاۋىپسىزدىكتى قامتاماسىز ەتىپ ءجۇر.

اۋداننىڭ پوليتسيا ءبولىمىنىڭ باستىعى, پوليتسيا پودپولكوۆنيگى رۋسلان ءالجانوۆتىڭ ايتۋىنا قارا­عان­دا, اۋدانداعى جاعداي تۇراقتى, قۇبىرلار ارقىلى سۋ قالىپتى جاعدايدا اعىپ جاتىر. پوليتسيا ءبولىمىنىڭ جەكە قۇرامى تج قىزمەتكەرلەرىمەن, اكىمدىكپەن جانە باسقا دا مۇددەلى قىزمەتتەرمەن بىرلەسىپ جۇمىس ىستەپ ءجۇر.

بىراق جاعانى جايلاۋعا جىبە­رۋگە بولمايدى. اشىق دالادان اعىلعان قارعىن سۋى جەرگە سىڭبەي ىلديداعى اۋىلدارعا قاراي بەت تۇزەپ بارادى. قۋلىكول مەن قاراتاۋ اۋىلىنا دا سۋ جەتەر مە ەكەن دەگەن قاۋىپ بار. تىلەۋساي اۋىلىنا دا تەرىستىك جاعىنان سۋ كىرۋ قاۋپى تۋىپ تۇر. قازىر پد قىز­مەت­كەر­لەرى تج وكىلدەرى جانە جەر­گى­لىكتى تۇرعىندارمەن بىرگە اۋىل­دىڭ وسى جاعىنا بوگەت جاساپ جاتىر.

تايىنشا اۋدانىنداعى جاع­داي تۋرالى بۇرىن جازعانبىز. قو­سىمشا ايتار بولساق, وسى اۋدانداعى بىرلىك, تەڭدىك, لەتو­ۆوچنىي اۋىلدارىنىڭ تۇسىنداعى اۆتوجولداردان سۋ ءجۇرىپ كەتتى. قازىر پوليتسەيلەر جولداردى جاۋىپ, جۇرگىنشىلەردى توقتاتىپ جاتىر.

كەيىنگى كەزدە كونستانتينوۆكا مەن اماندىق اۋىلدارىن سۋ باسۋ قاۋپى بار. تايىنشا قالاسىنداعى جاعداي دا الاڭداتارلىق. قالا­نىڭ شەتىندەگى كوپتەگەن ۇيگە سۋ كىردى. مۇنداعى شا­عا­لالى وزەنى قالانىڭ تۇبىندەگى زارەچ­نىي اۋىلىنا اپاراتىن كوپىردى شايىپ كەتتى. قازىر سۋ شەتكى ۇيلەرگە دە كىرىپ جاتىر.

تۇرعىنداردى دۇنيە-مۇلكىن تاس­تاپ, قۇرعاق ەۆاكۋاتسيالىق بەكەت­تەر­گە كوشىرۋ كەزىندە كوپ­تەگەن اڭشى ادامنىڭ وق اتار قارۋلارى دا قا­راۋ­سىز قالىپ جاتىر. بۇل قارۋلار كەيبىر ساناسىز ادامداردىڭ قولىنا تيسە, سۋ تاسقىنىنىڭ ۇستىنە كري­مي­نو­گەن­دىك جاعداي دا كۇردەلەنىپ كە­تە­تىنىن ەسكەرگەن اۋداندىق پد قىز­مەتكەرلەرى اڭشىلاردىڭ مىل­تىق­­تارىن ۋاقىتشا تاركىلەۋدى باس­تادى. تايىنشا اۋدان­دىق پوليتسيا ءبولىمىنىڭ باستىعى, پولكوۆنيك نۇرلىجان اقتانوۆ قازىر ۋچاسكەلىك ينسپەكتورلارعا اڭشى­لار­دىڭ مىلتىقتارىن ۋا­قىتشا الۋ تۋرالى تاپسىرما بەرىلدى دەدى. سونىڭ ناتيجەسىندە قازىردىڭ وزىندە 35 دانا مىلتىق ۋاقىتشا جينالىپ, پوليتسيا بولىمىنە تاپسىرىلىپتى.

پەتروپاۆل قالاسىنىڭ جۇ­مىس­­شى كەنتىندە دە پوليتسيا قىز­مەتكەرلەرى قارعىن سۋعا قارسى كۇرەستى كۇندىز-ءتۇنى جۇرگىزىپ جاتىر. ولار تج وكىلدەرى جانە جەر­گىلىكتى اتقارۋشى ورگان­دار­دىڭ قىزمەتكەرلەرىمەن بىرگە بىر­نەشە جەردىڭ سۋىن سور­عى­زىپ, ارىقتاردى تازارتۋعا كىرىسكەن. شارۋاشىلىق قۇرال-سايماندارمەن قارۋلانعان پو­لي­­تسيا قىزمەتكەرلەرى كەشە تۇسكە دەيىن كراسين كوشەسى مەن مي­حەەۆ­تىڭ 3-ءشى وتپە جولىنداعى ارىقتاردى ءىشىنارا مۇزدان تازارتتى.

تاسقىنمەن كۇرەس قازىر وبلىس­تىڭ بارلىق تۇستىك جانە باتىس اۋداندارىندا ءجۇرىپ جاتىر. ع.مۇسىرەپوۆ اۋدانىنىڭ رۋزاەۆ اۋىلدىق وكرۋگىندە 77 ۇيگە سۋ كىردى. بارلىق كۇش كوشەدەگى جانە اۋلالارداعى قاردى دالاعا تاسۋعا جۇمىلدىرىلعان. مۇندا دا پد, تج وكىلدەرى ارىقتاردى تازالاپ, سۋدىڭ جول تابۋىنا كومەكتەسىپ جاتىر.

تۇرعىنداردى كوشىرۋگە اۋىل­دىق وكرۋگتە 2 ەۆاكۋاتسيالىق بەكەت دا­يىن تۇر. «جاعداي قيىنعا اينالسا ءبىز جەرگىلىكتى ءورت ءسوندىرۋ ءبولى­مىنىڭ تەحنيكالارىمەن حا­لىقتى بەكەتتەرگە جەت­كىزەمىز», دەيدى وسىنداعى جۇ­مىس­تار­دى ۇيلەستىرىپ جۇرگەن وبلىستىق تج باستىعىنىڭ ورىنباسارى ازامات قابدۋلين.

سولتۇستىك قازاقستان وبلىسى