مەتاعالام – تسيفرلىق الەمدە تاراعان ۇجىمدىق ۆيرتۋالدى كەڭىستىك. بۇل كادىمگى ۆيرتۋالدى الەمنەن الدەقايدا اسىپ تۇسەدى. ومىردە كورىنىس تاپقان بۇل تۇجىرىمداما تسيفرلىق الەممەن ارەكەتتەسۋ جولدارىن وزگەرتۋگە مۇمكىندىك بەرەدى.
«Turkic Metaverse» جوباسى – تۇركىتىلدەس ەلدەردىڭ مادەنيەتىن, تاريحىن جانە ساۋلەتىن بەينەلەيتىن ۆيرتۋالدى كەڭىستىك قۇرۋعا باعىتتالعان. مۇنى قولدانۋشىلار ايماقتىڭ باي مۇراسىمەن تانىسىپ, تۇركى ەلدەرى اراسىنداعى تۇتاستىقتى نىعايتادى», دەدى «Astana Hub» باسقارۋشى ديرەكتورى تاڭات وسكەمباەۆ.
كونفەرەنتسياعا تۇركى مەملەكەتتەرى ۇيىمى حاتشىلىعى مەن وعان مۇشە ەلدەر تەحنوپاركتەرىنىڭ, سونىڭ ىشىندە «Astana Hub» (قازاقستان), «Bilkent Cyberpark» (تۇركيا), «High Technology Park» (قىرعىزستان) جانە «Sabah Hub» (ازەربايجان) وكىلدەرى قاتىستى. ولار پانەلدىك سەسسيادا «Turkic Metaverse» جوباسىنىڭ الەۋەتىن, مەتاعالامدى ديالوگ پەن ىنتىماقتاستىق قۇرۋ جانە ءبىلىم الماسۋ الاڭى رەتىندە پايدالانۋدى تالقىلادى.
سونداي-اق كونفەرەنتسياعا قاتىسۋشىلار ستارتاپتار مەن تەحنوپاركتەر ۇسىنعان يننوۆاتسيالىق شەشىمدەرمەن تانىسىپ, ولاردىڭ وكىلدەرىمەن تىلدەسۋگە مۇمكىندىك الدى. اسىرەسە قوناقتار الماتىلىق 3D-سۋرەتشى فارحاد نىعماتۋللين جاساعان كيىز ۇيگە ەرەكشە نازار اۋداردى. مۇندا مادەني مۇرانى ساقتاۋ مەن تاراتۋداعى مەتاعالامنىڭ مۇمكىندىگى بەينەلەنگەن. سۋرەتشىلەردىڭ ءوز جۇمىستارىمەن بولىسۋگە دەگەن قىزىعۋشىلىعى مەتاعالامنىڭ ونەر مەن تسيفرلىق يننوۆاتسيالاردى بىرىكتىرۋدە تاماشا پلاتفورما بولا الاتىنىن دالەلدەيدى.
«Turkic Metaverse» جوباسى پايدالانۋشىلارعا ءوزارا قارىم-قاتىناس ورناتۋ مەن وقۋ تاجىريبەسىن ۇسىناتىن ينتەراكتيۆتى 3D-عالام – «Vargates» پلاتفورماسىندا ورنالاسقان. «Vargates» ينتەراكتيۆتى 3D-ورتادا كەزدەسۋگە, ءبىلىم الماسۋعا جانە بىرەگەي كونتەنت جاساۋعا مۇمكىندىك تۋعىزادى.
ء«بىزدىڭ ماقساتىمىز – ادامدارعا ينتەراكتيۆتى 3D-ورتادا ءوز بىلىمدەرىمەن بولىسۋگە مۇمكىندىك بەرەتىن اشىق ستاندارتتارعا نەگىزدەلگەن كەڭىستىك قۇرۋ», دەيدى «DreamLight» ديرەكتورى الەكساندر مازۋرەنكو.
«Vargates» پلاتفورماسىن سىلتەمە ارقىلى ورناتىپ, «1st OTS Conference» لوكاتسياسىن تاڭداۋ ارقىلى ونىڭ ورنالاسقان جەرىن, تەحنوپاركتەردى جانە ستارتاپتاردى كورىپ, جاقىن تانىسۋعا بولادى.
