فوتو: assembly.kz
«مەملەكەت جانە قوعام قايراتكەرى, تەلەۆيزيا سالاسىنىڭ مايتالمانى عادىلبەك شالاحمەتوۆتىڭ ومىردەن وتكەنى تۋرالى حاباردى زور كۇيزەلىسپەن قابىلدادىم. مارقۇمنىڭ وتباسىنا, جاقىندارىنا جانە ارىپتەستەرىنە شىن جۇرەكتەن كوڭىل ايتامىن. عادىلبەك ءمىناج ۇلىنىڭ جارقىن بەينەسى, كاسىبي شەبەرلىگى مەن باق سالاسىنداعى جارقىن جەتىستىكتەرى وتاندىق جۋرناليستيكا تاريحىندا وشپەس ءىز قالدىرارى ءسوزسىز. مارقۇمنىڭ جاتقان جەرى جارىق, توپىراعى تورقا بولسىن!», دەلىنگەن جازبادا.
عادىلبەك ءمىناج ۇلى باق سالاسىنداعى ەڭبەك جولىن الماتى تەلەستۋدياسىندا باستاپ, قازاق تەلەديدارى باعدارلامالارىنىڭ رەداكتورى, باس رەداكتورى, قازاق سسر تەلەۆيزيا مەن راديو حابارلارى جونiندەگi مەمكوميتەتiنiڭ توراعاسى قىزمەتتەرىن اتقاردى.
1991 جىلى پرەزيدەنتتىڭ ءباسپاسوز حاتشىسى بولىپ تاعايىندالىپ, ءباسپاسوز جانە بۇقارالىق اقپارات مينيسترiنiڭ بiرiنشi ورىنباسارى – قازاق سسر تەلەۆيزيا مەن راديوحابارلارى جونiندەگi مەمكوميتەتiنiڭ توراعاسى بولىپ جەمىستى ەڭبەك ەتتى. مايتالمان مامان مەملەكەتارالىق «مير» تەلەراديوكومپانياسىنىڭ نەگىزىن قالاپ, باق سالاسىنىڭ وركەندەۋىنە ولشەۋسىز ۇلەس قوستى. كومپانيانىڭ قۇرىلۋى وتاندىق تەلەۆيدەنيەنىڭ دامۋىنا جاسالعان ستراتەگيالىق ماڭىزدى قادام بولدى.
