استانادا جاياۋ جۇرگىنشىلەر كوپىرى ۋاقىتشا جابىلادى

جاياۋ جۇرگىنشىلەر كوپىرىن رەكونسترۋكتسيالاۋ جونىندەگى جۇمىستاردى جۇرگىزۋگە بايلانىستى وسى جىلدىڭ 5 ساۋىرىنەن باستاپ اتالعان كوپىر بويىنشا جاياۋ جۇرگىنشىلەر ءۇشىن قوزعالىس تولىعىمەن جابىلادى, سونداي-اق دەمونتاجداۋ جۇمىستارى كەزەڭىندە قوناەۆ كوشەسىنىڭ قابانباي باتىر داڭعىلىنان تۇران داڭعىلىنا دەيىنگى جول بولىگى جابىلادى.

مارشرۋتتاردىڭ قوزعالىس سىزبالارىن وزگەرتۋ تۋرالى «City Transportation Systems» جشس رەسمي سايتىندا (cts.gov.kz), Facebook جانە Instagram الەۋمەتتىك جەلىلەرىندە تانىسۋعا بولادى.

ايتا كەتسەك, بيىل ەلوردادا جالپى ۇزىندىعى 60 كم بولاتىن 50-دەن استام كوشەگە جوندەۋ جۇرگىزۋ جوسپارلانىپ وتىر:

• تاشەنەۆ كوشەسى رەسپۋبليكا داڭعىلىنان اممان كوشەسىنە دەيىن;
• ب. مومىش ۇلى داڭعىلى تاۋەلسىزدىك داڭعىلىنان قوشقارباەۆ داڭعىلىنا دەيىن;
• ق. مۇڭايتپاسوۆ كوشەسى تاۋەلسىزدىك داڭعىلىنان م. جۇماباەۆ كوشەسىنە دەيىن;
• تىلەنديەۆ داڭعىلى ق. كۇمىسبەكوۆ كوشەسىنەن اقان سەرى كوشەسىنە دەيىن;
• تۇران داڭعىلى كەرەي جانىبەك حاندار كوشەسىنەن جۇلدىز اينالىمىنا دەيىن (2023 جىلى تۇران داڭعىلى بويىنشا تۇلپار كوپىرىنەن سارايشىق كوشەسىنە دەيىنگى ۋچاسكەدە جول جۇمىستارى جۇرگىزىلدى);
• كەنەسارى كوشەسى ە. برۋسيلوۆسكي كوشەسىنەن ا. سەمبينوۆ كوشەسىنە دەيىن;
• سارايشىق كوشەسى تۇركىستان كوشەسىنەن تۇران داڭعىلىنا دەيىن;
• سارىارقا داڭعىلى ت. شەۆچەنكو كوشەسىنەن اباي داڭعىلىنا دەيىن;
• قاراوتكەل كوپىرى كولىك ايرىعىنان قابانباي باتىر داڭعىلىنا دەيىن جانە ت. ب.

سونداي-اق قالانىڭ 200 كوشەسىندە شۇڭقىرلاردى جوندەۋ جانە جول بەلگىلەرىن قويۋ جۇمىستارىن باستاۋ جوسپارلانىپ وتىر.